ఆ పాత్ర నా డ్రీం: తమన్న

తమన్నా భాటియా తన డ్రీం రోల్ ఏంటో బయటపెట్టింది. తమన్నా ఇంతవరకు బయోపిక్ చెయ్యలేదు. కానీ ఏ నటి బయోపిక్ లోనైనా నటించాల్సి వస్తే తాను శ్రీదేవి బయోపిక్ సెలెక్ట్ చేసుకుంటాను అంటోంది.

“శ్రీదేవి అంటే నాకు చాలా ఇష్టం. ఆమె స్టయిల్, ఆమె నటన అంటే అభిమానం. శ్రీదేవి బయోపిక్ తీస్తే నేను ఆ పాత్ర చేసేందుకు, శ్రీదేవిలా నటించేందుకు రెడీ. ఆ పాత్ర నాకు డ్రీం రోల్,” అని తమన్న తెలిపింది.

సావిత్రి పాత్రలో కీర్తి సురేష్ నటించింది. సిల్క్ స్మితలా విద్యాబాలన్ కనిపించింది. అలా శ్రీదేవిలా తమన్నా కనిపించాలని అనుకుంటోంది.

మరి తమన్నా డ్రీం నెరవేరుతుందా? శ్రీదేవి బయోపిక్ తీయాలని ఆ మధ్య కొందరు ప్రయత్నించారు. కానీ ఆమె భర్త బోనీ కపూర్ అంగీకరించలేదు. ఎట్టి పరిస్థితుల్లోనూ శ్రీదేవి జీవితం మీద సినిమా తీసేందుకు తాను ఒప్పుకోను అని ఆయన ప్రకటించారు.