మృణాల్ కొత్తగా ఏమి చేస్తుందో?

మృణాల్ ఠాకూర్ నటించిన రెండు తెలుగు సినిమాలు ఇప్పటికే విడుదల అయ్యాయి. మూడో చిత్రం “ఫ్యామిలీ స్టార్” షూటింగ్ చివరి దశకు చేరుకొంది. మరి ఈ “ఫ్యామిలీ స్టార్” తర్వాత ఆమె ఏ సినిమాలు ఒప్పుకుంటుంది? అనే ఆసక్తి అందరిలో ఉంది.

‘సీతారామం’ ఆమెకి తొలి తెలుగులో. రెండో చిత్రంగా “హాయ్ నాన్న” విడుదలైంది. అమెరికాలో $1.8 మిలియన్ (15 కోట్ల రూపాయల) భారీ వసూళ్లు అందుకొంది ఈ చిత్రం. నైజాంలో కూడా మంచి వసూళ్లు పొందింది. ఇతర ఏరియాల్లో పెద్దగా వసూళ్లు చెయ్యకపోయినా ఓవరాల్ గా “హిట్” “అనిపించు”కొంది. ఆ విధంగా ఆమె రెండో చిత్రంతో పాస్ అనిపించుకొంది.

ఆమెకి “ఫ్యామిలీ స్టార్” విజయంతో సంబంధం లేకుండానే ఇప్పటికే రెండు, మూడు ఆఫర్లు వచ్చి ఉండాలి. ఐతే, ఈ అమ్మడు తాను సినిమాలు ఒప్పుకునే విషయంలో కొన్ని నియమాలు పాటిస్తోంది. తాను నటించే హీరోకికానీ, దర్శకుడికి కానీ, నిర్మాణ సంస్థకి కానీ ‘క్రేజ్’ ఉండాలి. దానికి తోడు తన పారితోషికం విషయంలో డిస్కౌంట్లు అడగొద్దు.

ALSO CHECK: Mrunal Thakur in a Christmas spirit