నాని రిజెక్ట్ చేశాడా?

ఒక సినిమా మరొకరి చేతికి వెళ్లడం సర్వసాధారణం. అయితే ఈ క్రమంలో కొన్ని గాసిప్స్ కూడా పుట్టుకొస్తుంటాయి. ఇది అలాంటిదే. దీపావళి కానుకగా థియేటర్లలోకి వచ్చిన ‘లక్కీ భాస్కర్’ సినిమాకు సంబంధించిన మేటర్ ఇది.

వెంకీ అట్లూరి దర్శకత్వంలో వచ్చిన ఈ సినిమాను ముందుగా నానితో అనుకున్నారట. అయితే మరోసారి తండ్రిగా నటించడానికి నాని అంగీకరించలేదంట. ఆయన తిరస్కరించిన తర్వాత దుల్కర్ ను కలిసినట్టు ప్రచారం జరుగుతోంది. దీనిపై దర్శకుడు స్పందించాడు.

ఈ కథ రాసుకున్న వెంటనే దుల్కర్ అయితే బాగుంటుందని తనతో పాటు నిర్మాత కూడా ఫీల్ అయ్యారని.. ఎందుకంటే అప్పటికే దుల్కర్ పీరియాడిక్ ప్రాజెక్టులు చేసి ఉన్నాడు కాబట్టి, అతడ్ని ప్రేక్షకులు ఓన్ చేసుకుంటారని దర్శకుడు వెంకీ అభిప్రాయపడ్డాడు

అలా కథ పూర్తయిన వెంటనే ‘వైజయంతీ మూవీస్’ స్వప్న ద్వారా దుల్కర్ ను కలిసి, మొదటి సిట్టింగ్ లోనే గ్రీన్ సిగ్నల్ అందుకున్నానని దర్శకుడు వెల్లడించాడు. మనం రాసుకున్న కథకు మొదటి సిట్టింగ్ లోనే హీరో నుంచి అనుమతి వస్తే.. ఆ కిక్కే వేరంటున్నాడు వెంకీ అట్లూరి.