Ram Pothineni: మారుతి సినిమా లేదు

హీరో రామ్ పోతినేని (Ram Pothineni) ఇటీవల “ఆంధ్ర కింగ్ తాలూకా” అనే ఒక సినిమాతో మన ముందుకొచ్చాడు. ఇందులో రామ్ నటనకి మంచి పేరు వచ్చింది. సినిమా కూడా మంచి ప్రయత్నం అనిపించుకుంది. కానీ సినిమా ఆడలేదు. ఎన్నో ఆశలు పెట్టుకొని సినిమా చేస్తే అస్సలు ఆడకపోవడంతో రామ్ బాగా డిసప్పాయంట్ అయ్యాడు.

దాంతో కొత్త సినిమాలపై ఇంకా ఏ నిర్ణయం తీసుకోలేదు.

కానీ దర్శకుడు మారుతిని “కాపాడే” బ్యాచ్ ఒకటి ఇటీవల రామ్ తో సినిమా ఫైనలైజ్ అయింది అనే పుకారు లేపింది. “ది రాజా సాబ్” అట్టర్ ఫ్లాప్ అయినా రామ్ పోతినేని ఆ దర్శకుడితో సినిమా చేసేందుకు ఆసక్తి చూపుతున్నట్లు కథనాలు అల్లేసింది ఈ బ్యాచ్. కానీ మారుతితో సినిమా అనే ప్రతిపాదనే లేదు అని రామ్ వర్గాలు చెప్తున్నాయి.

రామ్ ఇప్పుడు మరింత కేర్ఫుల్ గా ఉంటాడు. ఆర్కా మీడియా సంస్థ ప్రతిపాదించిన ఒక చిత్రాన్ని కూడా బడ్జెట్ ఎక్కువ అవుతుందనే ఉద్దేశంతో పక్కన పెట్టాడు. అంత కాలిక్యులేటెడ్ గా ఉండే రామ్ … రాజాసాబ్ సినిమా చూసిన తర్వాత కూడా మారుతికి వెంటనే సినిమా చేస్తాడు అనుకోవడం భ్రమ.