అవును సినిమాలో ఆ పాట లేదు

హృతిక్ రోషన్, దీపిక పదుకోన్ నటించిన “ఫైటర్” సినిమా విడుదలైంది. ప్రస్తుతం థియేటర్లలో నడుస్తోంది. ఈ సినిమాకి సాధారణ ఓపెనింగ్ వచ్చింది మొదటి రోజు. ఇక ఈ వీకెండ్ వసూళ్లు పుంజుకోవాలి.

మరోవైపు, ఈ సినిమాకి ఏవరేజ్ టాక్ వచ్చింది. రివ్యూస్, రేటింగ్స్ కూడా అలాగే ఉన్నాయి.

మరోవైపు, ఈ సినిమాలో బాగా సూపర్ హిట్టైన “ఇష్క్ జైసా కుచ్” అనే పాట లేదు. సెన్సార్ అభ్యంతరంతో ముందే పాట తీసేశారు. దీపిక,హృతిక్ మధ్య రొమాంటిక్ సన్నివేశాలు సినిమాలో ఉన్నాయి. కానీ ఈ పాట లేకుండానే సినిమాని రిలీజ్ చేశారు.

ఈ పాటలో దీపిక పదుకోన్ తన బికినీ అందాలను యథేచ్ఛగా ప్రదర్శించారు. కొన్ని శృంగార పరమైన డ్యాన్స్ స్టెప్స్ వేశారు. ఈ సినిమాలో ఆమె పోషించిన పాత్ర ఇండియన్ ఎయిర్ ఫోర్స్ కి చెందిన సైనికురాలి పాత్ర. అలాంటి ఉద్దాత్త పాత్రలో అసభ్యంగా నృత్యాలు చేస్తున్నట్టు చూపించడం సబబు కాదని సెన్సార్ వారు అభ్యంతరం వ్యక్తం చేశారు. దాంతో, సినిమాలో పెట్టలేదు.