నేహాకి గోదావరి ఊపు ఇస్తుందా?

నేహా శెట్టికి క్రేజ్ తెచ్చిన చిత్రం… డీజే టిల్లు. ఆ సినిమాలో ఆమె రాధిక అనే పాత్రలో అదరగొట్టింది. దానికి సీక్వెల్ గా వచ్చిన టిల్లు స్క్వేర్ లో అనుపమ నటించింది. ఈ సినిమా కూడా హిట్టే. ఇందులోనూ నేహా శెట్టి అతిథిగా మెరిసింది.

ఐతే, “డీజే టిల్లు”కి, “టిల్లు స్క్వేర్”కి మధ్యలో ఆమె నటించిన రెండు సినిమాలు విడుదల అయ్యాయి. ఆ రెండూ పరాజయం పాలు అయ్యాయి.

బెదురులంక, రూల్స్ రంజన్ అనే రెండు చిత్రాలు కూడా ఆమె ‘టిల్లు’ ఇమేజ్ పై ప్రచారం చేసుకున్నాయి. అయినా ఫలితం దక్కలేదు. వరుసగా రెండు ఫ్లాప్ లతో ఆమె రేస్ లో ఇప్పుడు వెనకబడింది. మళ్ళీ క్రేజ్ తెచ్చుకోవాలంటే నెక్స్ట్ సినిమాతో హిట్ కొట్టాలి.

ఈ భామ ప్రస్తుతం “గ్యాంగ్స్ ఆఫ్ గోదావరి” విడుదల కోసం చూస్తోంది. ఈ సినిమాలో ఆమె విశ్వక్ సేన్ సరసన నటించింది. “టిల్లు” హీరో సిద్ధూ జొన్నలగడ్డలా ‘గ్యాంగ్స్ అఫ్ గోదావరి’ హీరో విశ్వక్ సేన్ కూడా సినిమా మొత్తం అన్నీ తానై చూసుకుంటాడు. అలాగే ఈ సినిమాలో మొదటి పాట ఇప్పటికే పాపులర్ అయింది. ఆ పాటలో ఆమె తడి అందాలు కుర్రాళ్లకు గిచ్చుకునేలా చేశాయి.

ఐతే గ్లామర్ షో కన్నా పాత్ర బాగుంటేనే ఆమెకి క్రేజ్ వస్తుంది. రాధిక పాత్ర అలాంటిదే. మరీ ఈ “గ్యాంగ్స్ ఆఫ్ గోదావరి” ఆమెకి మరోసారి ఊపు తెస్తుందా అనేది చూడాలి.