Buchi Babu: జాన్వీ విషయంలో ట్రోలింగ్ పై స్పందన

‘పెద్ది’లో జాన్వీ కపూర్ (Janhvi Kapoor) పాత్రను గ్లామర్ పరంగా అతిగా చూపించడంపై వచ్చిన విమర్శలపై దర్శకుడు బుచ్చి బాబు (Buchi Babu) స్పందించాడు. “ఈ రేంజ్ లో ట్రోలింగ్ వస్తుంది అని ఊహించలేదు,” అని అన్నాడు.

ఈ సినిమాలో జాన్వీ కపూర్ పోషించిన ‘అచ్చయ్యమ్మ’ పాత్ర విషయంలో చాలా ట్రోలింగ్ జరుగుతోంది. ఇంత ప్రతికూల స్పందన వస్తుందని తాను అస్సలు ఊహించలేదని బుచ్చి బాబు తాజాగా జరిగిన ప్రెస్ మీట్ లో స్పందించాడు. ఐతే, తాను అనుకున్నది వేరు, జరిగింది వేరు అనిచెప్పాడు. ఆయన ఏమి అనుకున్నాడో, ఏమి తీశాడో ఆయనకే తెలియాలి.

ఈ సినిమాలో రామ్ చరణ్ నటన గురించి తెగ ప్రశంసలు వచ్చాయి. సినిమాకి మిశ్రమ స్పందన వచ్చింది. ఇక కలెక్షన్లు మాత్రం చాలా బాగున్నాయి. ఐతే, జాన్వీని చూపించిన తీరు, ఆమె పాత్రని మలిచిన విధానంపై మాత్రం బుచ్చిబాబుని అందరూ తిడుతున్నారు. అందుకే, ఈ ట్రోలింగ్ చూసి బుచ్చిబాబు భయపడినట్లు కనిపిస్తోంది.

ఐతే, భవిష్యత్తులో హీరోయిన్ల పాత్రల చిత్రీకరణ విషయంలో మరింత సున్నితంగా వ్యవహరిస్తానని హామీ ఇచ్చాడు బుచ్చిబాబు.