Eesha Rebba: స్పెషల్ కంటెంట్ ఇస్తుందంట

హీరోయిన్లు ఈమధ్య సబ్ స్క్రిప్షన్ల మీద పడ్డారు. తమ ఇనస్టాగ్రామ్ ఎకౌంట్లకు చందాలు పెడుతున్నారు. మౌనీ రాయ్, సన్నీ లియోన్, ఊర్వశి రౌతేలా లాంటోళ్లు ఇలాంటి చందాలు పెడితే అందులో ఒక అర్థం ఉంది. అంతోఇంతో కాస్త ఘాటు చూపిస్తారు వీళ్లు.

కానీ ఓ మోస్తరు హీరోయిన్లు కూడా ఇప్పుడు సబ్ స్క్రిప్షన్ అంటూ చిరాకు తెప్పిస్తున్నారు. అడిగితే అలాంటి కంటెంట్ ఏం ఉండదు, అన్నీ మంచి వీడియోలే అని చెబుతున్నారు.

మొన్నటికిమొన్న అనన్య నాగళ్ల తన ఎకౌంట్ లో చందదారులుగా చేరండి అంటూ ఏకంగా ఓ రేటు పెట్టేసింది. అలా వచ్చిన డబ్బుతో తను మంచి కార్యక్రమాలు చేస్తానని చెప్పుకొచ్చింది. ఇప్పుడు ఈషా రెబ్బా (Eesha Rebba) కూడా అదే బాటలో నడిచింది.

మామూలుగానే ఈమెకు ఫాలోవర్స్ తక్కువ. అందులో మళ్లీ సబ్ స్క్రిప్షన్ పెడతానంటుంది ఈషా రెబ్బా. తనకు సంబంధించిన ఎక్స్ క్లూజివ్ కంటెంట్ కావాలంటే 399 రూపాయలు కట్టాల్సిందేనని చెబుతోంది. మామూలుగానే పద్ధతిగా కనిపించే ఈ ముద్దుగుమ్మ, సబ్ స్క్రిప్షన్ ఎకౌంట్ లో ఏం చూపిస్తుందోననే చర్చ మొదలైంది.