NTR: జూనియర్ ఎన్టీఆర్ ముఖ్యమంత్రి అవుతాడంట!

వద్దన్నా సెలబ్రిటీల జాతకాలు చెప్పే వేణుస్వామి (Venu Swamy), మరోసారి అదే పని చేశారు. గతంలో నాగచైతన్య-శోభితపై వివాదాస్పదంగా జాతకం చెప్పి మహిళా కమిషన్ వరకు వెళ్లిన ఈ జ్యోతిష్కుడు.. ఇప్పుడు ఎన్టీఆర్ (NTR) జాతకం చెప్పాడు.

జూనియర్ ఎన్టీఆర్ కేవలం నటుడు మాత్రమే కాదంట, ఆయనలో మంచి నాయకత్వ లక్షణాలున్నాయని, భవిష్యత్తులో ఎన్టీఆర్ కచ్చితంగా సీఎం అవుతాడని అంటున్నాడు వేణు స్వామి. ఇదే టైమ్ లో పవన్ కల్యాణ్ గురించి మాట్లాడాడు. ఆయన సీఎం అవుతారని మాత్రం చెప్పలేదు. పవన్ మంచి పొలిటీషియన్ అని మెచ్చుకున్నాడు.

తన జాతకంలో విజయ్ దేవరకొండ, రామ్ చరణ్, ప్రభాస్ ను కూడా టచ్ చేశాడు ఈ జ్యోతిష్కుడు. ప్రభాస్ ను కారణజన్ముడిగా చెప్పుకొచ్చాడు. ఇక విజయ్ దేవరకొండ, రామ్ చరణ్ కష్టించే మనస్తత్వంతో పుట్టారని అన్నాడు.

అయితే ఈసారి మాత్రం ఆయన వివాదాస్పద అంశాలు, వ్యాఖ్యల జోలికి వెళ్లలేదు. పూర్తిగా హీరోల్ని పొగిడే పని మాత్రమే పెట్టుకున్నారు.