‘కల్కి’లో కమల్ గెటప్ ఇదేనా?

కల్కి సినిమాకు లీకులు కొత్త కాదు. ఓవైపు ఫ్రమ్ ది స్క్రాచ్ అంటూ మేకర్స్ మేకింగ్ వీడియోలు రిలీజ్ చేస్తున్నప్పటికీ, ఎప్పటికప్పుడు ఫస్ట్ లుక్స్ విడుదల చేసినప్పటికీ.. ఈ సినిమా అంతకంటే ముందు లీకుల బారిన పడుతూనే ఉంది. తాజాగా మరోసారి కల్కి సినిమా లీక్స్ రూపంలో వార్తల్లోకెక్కింది.

ప్రభాస్ హీరోగా నటిస్తున్న కల్కి సినిమాలో కమల్ హాసన్ విలన్ పాత్రలో కనిపించబోతున్న సంగతి తెలిసిందే. తను ఈ సినిమాలో నెగెటివ్ ఛాయల్లో కనిపిస్తానని స్వయంగా కమల్ హాసన్ కామిక్ కాన్ లో స్పష్టం చేశాడు. ఇప్పుడా గెటప్ లీక్ అయింది.

గుబురు గడ్డం, మీసాలతో కమల్ హాసన్ రఫ్ గా కనిపించే లుక్ ఒకటి సోషల్ మీడియాలో చక్కర్లు కొడుతోంది. కల్కిలో కమల్ గెటప్ ఇదేనంటూ ఇప్పటికే ప్రచారం మొదలైంది. చాలామంది ఇదే కల్కి గెటప్ అంటున్నారు. మరికొందరు మాత్రం ఏఐ సహాయంతో దీన్ని తయారుచేసి ఉంటారని వాదిస్తున్నారు. ఆ ఫోటోని మేం ఇక్కడ పబ్లిష్ చెయ్యడం లేదు.

ప్రభాస్, దీపిక పదుకోన్ హీరోహీరోయిన్లుగా నటిస్తున్న కల్కి సినిమాలో అశ్వద్ధామ అనే కీలక పాత్రలో అమితాబ్, విలన్ పాత్రలో కమల్ కనిపించనున్నారు.