థ్యాంక్స్ చెప్పిన సూపర్ స్టార్

ఊహించని విధంగా సూపర్ స్టార్ అనారోగ్యానికి గురైన సంగతి తెలిసిందే. వెంటనే అతడ్ని హాస్పిటల్ లో జాయిన్ చేయగా, వైద్యులు ఆయనకు శస్త్ర చికిత్స నిర్వహించారు. అలా ఆపరేషన్ నుంచి కోలుకున్న రజనీకాంత్ డిశ్చార్జ్ అయ్యారు. ఇంటికెళ్లిన తర్వాత ఆయన థ్యాంక్స్ చెబుతూ ఓ నోట్ విడుదల చేశారు.

“ఇటీవల ఆసుపత్రిలో చేరిన నేను త్వరగా కోలుకోవాలని ప్రార్థించిన నా రాజకీయ మిత్రులు, సినీ సన్నిహితులు, నా స్నేహితులు, శ్రేయోభిలాషులు, మీడియా మిత్రులకు నా హృదయపూర్వక ధన్యవాదాలు. నాపై అపరిమితమైన ప్రేమతో నా క్షేమం కోసం ప్రార్థించిన నా అభిమానులకు ప్రత్యేక ధన్యవాదాలు.”

ఇలా తను క్షేమంగా ఉన్న విషయాన్ని రజనీకాంత్ వెల్లడించాడు. గత నెల 30న తీవ్రమైన కడుపు నొప్పి రావడంతో రజనీకాంత్ ను ఆస్పత్రిలో చేర్చారు. గుండెకు మంచి రక్తాన్ని సరఫరా చేసే నాళం (తెలుగులో బృహధమని అంటారు)లో స్టెంట్ వేశారు.

ఆయన నటించిన “వేట్టయన్” విడుదలకు సిద్ధమైంది. ఇది కాకుండా లోకేష్ కనగరాజ్ దర్శకత్వంలో కూలీ సినిమా చేస్తున్నారు. రజనీకాంత్ వయసు ప్రస్తుతం 73 సంవత్సరాలు.