ఆస్కార్ అవార్డు విన్నర్ ఏ.ఆర్. రెహమాన్ ఈ రోజు ఉదయం ఛాతి నొప్పితో ఆసుపత్రిలో చేరి వెంటనే డిశ్చార్జ్ అయ్యారు. నీరసం, డీహైడ్రేషన్ కారణంగా ఆయనకు చెమటలు పట్టడం, నొప్పి కలగడం జరిగింది అని వైద్యులు తేల్చారు. నాలుగు గంటల చికిత్స తర్వాత ఇంటికి పంపించారు. ఇప్పుడు ఆయన పరిస్థితి బాగుంది అని రెహమాన్ కుటుంబ సభ్యులు ప్రకటించారు.
ఆసుపత్రి కూడా ఆరోగ్య బులెటిన్ విడుదల చేసింది. “ఈ రోజు ఉదయం రెహమాన్ డీహైడ్రేషన్ లక్షణాలతో మా ఆసుపత్రికి వచ్చారు. రెగ్యులర్ చెకప్ తర్వాత ఇంటికి పంపించాం” అని అపోలో ఆసుపత్రి తెలిపింది.
ఐతే, ఇటీవల తన భర్త నుంచి విడిపోతున్నట్లు ప్రకటించిన ఆయన భార్య సైరా భాను తనని రెహమాన్ మాజీ భార్యగా సంబోధించొద్దు అని మీడియాని కోరారు. తాను ఇప్పటికే ఆయన భార్యనే, మాజీని కాదు అంటున్నారు సైరా.
“ఆయన త్వరగా కోలుకోవాలని కోరుకుంటున్నాను. ఛాతీలో నొప్పి వచ్చి యాంజియోగ్రఫీ చేయించుకున్నాడని, అల్లా దయవల్ల ఇప్పుడు బాగానే ఉన్నాడని నాకు వార్త అందింది. మేము అధికారికంగా విడాకులు తీసుకోలేదని, మేము ఇంకా భార్యాభర్తలుగా ఉన్నామని నేను మీ అందరికీ చెప్పాలనుకుంటున్నాను, గత రెండేళ్లుగా నాకు ఆరోగ్యం బాగాలేదు కాబట్టి మేం విడిగా ఉండాలనుకున్నాం. దయచేసి ‘మాజీ భార్య’ అని పిలవకండి,” అని ఆమె మీడియాకు విడుదల చేసిన ఆడియో నోట్ లో తెలిపారు.
ఐతే, ఆరోగ్యం బాలేకపోతే విడిగా ఉండడమేంటో? విడిపోతున్నట్లు ప్రకటించింది సైరా భానునే. ఇప్పుడు మళ్ళీ కలిసిపోయే ఆలోచనలో ఉన్నట్లు కనిపిస్తోంది.
హీరో, దర్శకుడు, డ్యాన్స్ కొరియోగ్రాఫర్ ఇలా అనేక విధాలుగా పాపులర్ రాఘవ లారెన్స్ (Raghava Lawrence). "ముని", కాంచన సినిమాల…
మహేష్ బాబు,మాటల మాంత్రికుడు త్రివిక్రమ్ కాంబినేషన్ లో వచ్చిన 'గుంటూరు కారం' (Guntur Kaaram) సినిమా గురించి ఇప్పుడు ప్రత్యేకంగా…
పూజ హెగ్డే (Pooja Hegde)కి ఇప్పుడు లక్ తిరిగినట్టు కనిపిస్తోంది. ఆమెకి హిట్స్ లేవు కానీ వరుసగా అవకాశాలు వస్తూనే…
ఈ రోజు అల్లరి నరేష్ (Allari Naresh) పుట్టిన రోజు. దాంతో, నరేష్ కొత్త సినిమా "రంభ ఊర్వశి మేనక"…
విరాట్ కర్ణ హీరోగా అభిషేక్ నామా దర్శకత్వంలో తెరకెక్కుతున్న 'నాగబంధం'(Nagabandham)లో నభా నటేష్ (Nabha Natesh) మెయిన్ హీరోయిన్ గా…
సినిమా అవకాశాలు తగ్గినా, తాను అనుకున్న తరహా పాత్రలు రాకపోయినా పర్వాలేదని, తనకంటూ ఒక సంతోషకరమైన వ్యక్తిగత జీవితం ఉందని…