తెలుగుకే నా మొదటి ప్రాధాన్యత: Ritika Nayak

‘మిరాయ్’, ‘హాయ్ నాన్న’ వంటి సినిమాల్లో నటించిన రితిక నాయక్ (Ritika Nayak)కి ఇతర భాషల్లో కూడా మంచి అవకాశాలు వస్తున్నాయట. కానీ కథ, పాత్ర బాగున్న సినిమాల కోసం చూస్తోంది.

“మంచి స్క్రిప్ట్ కోసం ఎదురుచూస్తున్నాను. మంచి ప్రాజెక్టు వస్తే తప్పకుండా అన్ని భాషల్లో పనిచేయాలని ఉంది. కానీ తెలుగుకే నా మొదటి ప్రాధాన్యత. ఎందుకంటే ఇది నా మదర్ ఇండస్ట్రీ,” అని చెప్తోంది ఈ అందాల భామ.

తెలుగు వారు తనని బాగా ఆదరించారనీ, అందుకే తెలుగుసినిమానే ఇష్టపడతాను అని అంటోంది. “‘అశోకవనంలో అర్జున కళ్యాణం, మిరాయ్, హాయ్ నాన్న, ఇలా నేను చేసిన ప్రతి సినిమాను ప్రేక్షకులు ఎంతో ఆదరించారు. ఇప్పుడు కొరియన్ కనకరాజు విడుదలకు సిద్ధంగా ఉంది. త్వరలో మిరాయి 2 ప్రారంభం అవుతుంది. ఇంకో తెలుగు సినిమా కూడా ఒప్పుకున్నాను,” అని రితిక వివరించింది.

క్యూట్ గా టీనేజ్ అమ్మాయిలా కనిపించే రితికకి పాతికేళ్ళు. ప్రస్తుతం ఆమెకి గ్లామర్ గాళ్ ఇమేజ్ లేదు. అందుకే, ఇన్ స్టాగ్రామ్ లో ఈ మధ్య గ్లామర్ ఫోటోలు కూడా షేర్ చేస్తోంది.

TeluguCinema Team

TeluguCinema Desk is the editorial team behind TeluguCinema.com, one of the oldest and most trusted websites dedicated to the Telugu film industry since the late 1990s. With decades of experience in entertainment journalism, the team is committed to delivering accurate news, credible reports, exclusive updates, and insightful features while upholding the highest standards of fairness, authenticity, and journalistic integrity.