Dhanush: రజినీ తర్వాత బీజేపీ గుప్పిట్లో ఉన్న తమిళ హీరో!

తమిళనాట రాజకీయాల్లో ఒక బ్రేక్ కోసం బీజేపీ చాలా కాలంగా ప్రయత్నిస్తోంది. రజినీకాంత్ ని రంగంలోకి దింపి, ఆయనతో పార్టీ పెట్టించి ద్రావిడ పార్టీలను అధికారం నుంచి దూరం చెయ్యాలని బీజేపీ ప్లాన్ వేసింది కానీ వర్కవుట్ కాలేదు. ఆరోగ్యం పేరు చెప్పి రజినీకాంత్ (Rajinikanth) రాజకీయాలకు దూరంగా ఉండిపోయారు. దాంతో, ఇప్పుడు ధనుష్ (Dhanush)ని బీజేపీ దువ్వుతున్నట్లు సమాచారం.

రజినీకాంత్ కి జూనియర్ అయిన విజయ్ ధైర్యం చేశారు. పార్టీ పెట్టి ఏకంగా మొదటి ప్రయత్నంలోనే ముఖ్యమంత్రి అయ్యారు. రజినీకాంత్ చెయ్యాలని పని విజయ్ చేశారు.

రజినీకాంత్ మాజీ అల్లుడు అయిన ధనుష్ ఒకవైపు దళిత సిద్ధాంతంతో కూడిన చిత్రాలు చేస్తూనే, బీజేపీ అనుకూల వైఖరితో ఉన్నాడు. తాజాగా అతను సామాజిక కార్యక్రమాలు ఎక్కువగా మొదలుపెట్టాడు.

ధనుష్ నటించిన “రాయాన్”, “కెప్టెన్ మిల్లర్” వంటి సాదాసీదా చిత్రాలకు మొన్న జాతీయ అవార్డుల్లో ప్రత్యేకంగా అవార్డులు దక్కాయి. విజయ్ సేతుపతి నటించిన మహారాజా వంటి చిత్రాన్ని పక్కన పెట్టి, అలాగే కార్తీ నటించిన “Meiyazhagan” ( తెలుగులో ‘సత్యం సుందరం’) వంటి ఉత్తమ చిత్రాలను పక్కన పెట్టి ‘రాయన్’కి అవార్డు ఇవ్వడంతో ధనుష్ ‘బీజేపీ ఫోల్డ్’లో ఉన్నాడు అని తమిళనాట ప్రచారం మొదలైంది.

ధనుష్ కూడా ఆ రెండు చిత్రాలు కూడా తన సినిమాల కన్నా ఉత్తమమైనవి అని అంగీకరించాడు. కానీ గతంలో తన మంచి చిత్రాలకు అవార్డులు రాలేదు. అప్పుడు ఎవరూ మాట్లాడలేదు ఇప్పుడు ఎందుకు మాట్లాడుతున్నారు అని రాజకీయ నాయకుడిగా మాట్లాడాడు. సో, మెల్లగా ధనుష్ బీజేపీ వైపు అడుగులు వేసే అవకాశం ఉంది అని టాక్. రజినీకాంత్ బదులు ఆయన మాజీ అల్లుడు బీజేపీకి భవిష్యత్ ల ట్రంప్ కార్డు అవుతాడట.