బన్నీ- షారూక్ కాంబోలో సినిమా!

సౌత్-నార్త్ నటీనటులు కలిసి సినిమాలు చేయడం కొత్తేం కాదు. కొన్ని బాలీవుడ్ సినిమాల్లో ఎన్టీఆర్, ప్రభాస్, చరణ్ లాంటి హీరోలు నటించారు. ఇక టాలీవుడ్ సినిమాల్లో దాదాపు బాలీవుడ్ నటీనటులంతా నటిస్తున్నారు.

అయితే విజయ్ దేవరకొండకు కావాల్సింది ఇది. ఓ ప్రాపర్ బాలీ-టాలీ కాంబినేషన్ కోరుకుంటున్నాడు ఈ హీరో. ఆ కాంబినేషన్ ఏంటనేది కూడా బయటపెట్టాడు. బాలీవుడ్ బాద్షా షారూక్, టాలీవుడ్ ఐకాన్ స్టార్ బన్నీ కలిసి ఓ సినిమా చేస్తే చూడాలని ఉందంటూ తన మనసులో కోరికను బయటపెట్టాడు.

బాలీవుడ్ హీరోయిన్ కరీనా కపూర్, దర్శక-నిర్మాత కరణ్ జోహార్ తో కలిసి వేవ్స్-2025లో పాల్గొన్న దేవరకొండ.. ప్రస్తుత పరిస్థితుల్లో కాంబినేషన్లు ఉంటేనే బాగుంటుందని అభిప్రాయపడ్డాడు. షారూక్, బన్నీ ఇప్పటికే వెయ్యి కోట్ల వసూళ్లు సాధించారని, ఈ ఇద్దరూ కలిస్తే ఇండియన్ సినిమా నెక్ట్స్ లెవెల్ కు చేరుకుంటుందని అంటున్నాడు.

విజయ్ నటించిన ‘కింగ్డమ్’ సినిమా విడుదలకు సిద్ధమౌతోంది. ప్రస్తుతం పాటల విడుదల కార్యక్రమం నడుస్తోంది. తాజాగా ఫస్ట్ సింగిల్ రిలీజ్ చేశారు.