Vijay: విజయ్ వైఖరి అర్థం కావడం లేదంట

విజయ్ హీరోగా నటించిన తమిళ చిత్రం “జన నాయగన్”. ఇదే తన చివరి చిత్రం అని కూడా విజయ్ ప్రకటించాడు. వచ్చే తమిళనాడు అసెంబ్లీ ఎన్నికల్లో విజయ్ తన పార్టీని బరిలోకి దింపుతున్నాడు. ఆ పార్టీ తరఫున అతను కూడా పోటీ చేసి సీఎం అవ్వాలని భావిస్తున్నాడు. అందుకే, ఇకపై సినిమాలు చెయ్యను అని హింట్ ఇచ్చాడు.

ఇది విజయ్ చివరి చిత్రం కాబట్టి చాలా అంచనాలు ఉన్నాయి. హైప్ కూడా అంతే స్థాయిలో ఉంది. ఐతే, సంక్రాంతి బరిలో మొదటి రోజే విడుదల కావాల్సిన ఈ సినిమా చివరి నిమిషంలో వాయిదా పడింది. ఈ సినిమాలోని కొన్ని డైలాగులు, రాజకీయ పార్టీలపై విమర్శలు, హింసాత్మక దృశ్యాలపై సెన్సార్ అభ్యంతరం తెలిపింది. దీనిపై కోర్టుకు వెళ్లారు నిర్మాతలు. ఈ కేసు ఈనెల 20 తర్వాత మద్రాస్ హైకోర్టులో విచారణకు రానుంది.

సుప్రీం కోర్టు కూడా మద్రాస్ హైకోర్టులోనే తేల్చుకోవాలని చెప్పింది. దాంతో, విజయ్ వైఖరి ఏంటి? ఈ సినిమాని ఎలా విడుదల చెయ్యాలనుకుంటున్నాడు. ఒకవేళ కోర్టు ఇప్పటిలో తేల్చకపోతే సినిమా విడుదల కావడం కష్టం అవుతుంది. అందుకే, విజయ్ మౌనం వహించడం ఆశ్చర్యం కలిగిస్తోంది.