Dacoit: అడవి శేష్ కి పోటీ లేదు

మార్చి 19న విడుదల కావాల్సిన అడవి శేష్ (Adivi Sesh) కొత్త చిత్రం “డెకాయట్” (Dacoit) వాయిదా పడింది. కొత్త డేట్ గా ఏప్రిల్ 10న ఫిక్స్ చేసింది టీం. ఈ సినిమా మొదటి పాటని ఇటీవల విడుదల చేశారు.

ఐతే, ఏప్రిల్ 10న రావాల్సిన “స్వయంభు” ఆ డేట్ ని వదిలేసుకొంది. నిఖిల్ సిద్ధార్థ్ హీరోగా రూపొందుతోన్న “స్వయంభు” ఏప్రిల్ 17న వచ్చే అవకాశం ఉంది. అడవి శేష్ సినిమాతో పోటీ పడడం లేదు. ఎందుకంటే, ఈ రెండు సినిమాలకు తెలుగుతో పాటు హిందీ మార్కెట్ కూడా కీలకం. రెండు తెలుగు చిత్రాలు ఒకేరోజు హిందీ మార్కెట్ లో పోటీ పడితే అక్కడి జనాలకు పెద్దగా ఇంట్రెస్ట్ ఉండదు. మీడియా పబ్లిసిటీ కూడా విడిపోతుంది.

అందుకే, “స్వయంభు” ఇంకా డేట్ ప్రకటించలేదు. కానీ “డెకాయిట్”తో మాత్రం పోటీ ఉండదు అని క్లారిటీ వచ్చింది.

ఈ సినిమాలో శేష్ సరసన మృణాల్ ఠాకూర్ హీరోయిన్ గా నటిస్తోంది. ఆమెకి బాలీవుడ్ లో మంచి క్రేజ్ ఉంది. అలాగే హిందీ నటుడు, దర్శకుడు అనురాగ్ కశ్యప్ పోలీస్ అధికారిగా నటిస్తున్నాడు. అందుకే ఈ సినిమాకి హిందీ మార్కెట్ లో ఛాన్స్ ఎక్కువ ఉంది.