Sithara: జులై నుంచి అక్టోబర్, వరుసగా నాలుగు చిత్రాలు

వరుసగా సినిమాలు నిర్మిస్తోన్న సితార ఎంటర్ టైన్ మెంట్స్ (Sithara Entertainments) వచ్చే నెల నుంచి నెలకో సినిమా విడుదల చేయబోతోంది. ముందుగా జులై 10న ‘లెనిన్’ (Lenin) సినిమా రాబోతోంది. అన్నపూర్ణ స్టుడియోస్ సమర్పణలో, మనం ఎంటర్ టైన్ మెంట్స్ బ్యానర్ తో కలిసి సితార ఎంటర్ టైన్ మెంట్స్ నిర్మించిన సినిమా ఇది.

తర్వాత లైన్లో ఉన్న చిత్రం… సూర్యది. ‘విశ్వనాధ్ అండ్ సన్స్’ (Vishwanath and Sons) సినిమాను విడుదలకు సిద్ధం చేశారు. ఈ సినిమాను ఆగస్ట్ 14న విడుదల చేయబోతున్నారు. వెంకీ అట్లూరి డైరక్ట్ చేసిన ఈ సినిమాపై భారీ అంచనాలున్నాయి.

సెప్టెంబర్ లో ‘ఎపిక్’ (Epic) సినిమాను విడుదల చేయాలనుకుంటున్నారు. ఆనంద్ దేవరకొండ, వైష్ణవి చైతన్య జంటగా నటించిన ఈ సినిమా ఇప్పటికే టీజర్, సాంగ్ తో ఎట్రాక్ట్ చేస్తోంది. సెప్టెంబర్ లో ఎదో ఒక డేట్ ఫిక్స్ చేసే అవకాశం కనిపిస్తోంది.

అటు అక్టోబర్ లో వెంకటేశ్-త్రివిక్రమ్ కలిసి చేస్తున్న ‘ఆదర్శ కుటుంబం’ (Adarsha Kutumbam) సినిమాను అక్టోబర్ 2న విడుదల చేయబోతున్నారు. ఈ సినిమాని హారిక హాసిని సంస్థ (సితారకి మాతృ సంస్థ) నిర్మిస్తోంది. మొత్తానికి నెలకో సినిమా ఈ క్యాంప్ నుంచి వస్తున్నట్లే.