నాగవంశీకే డేట్ పాటించాలని చెప్పిన Akkineni Nagarjuna

తెలుగు సినిమా ఇండస్ట్రీలో హడావిడిగా విడుదల తేదీ ప్రకటించి కనీసం రెండు, మూడు సార్లు విడుదల తేదీని వాయిదా వేసే నిర్మాత ఎవరైనా ఉన్నారు అంటే అది నాగవంశీ (Naga Vamsi). మ్యాడ్ 2 (Mad 2) వంటి చిన్న సినిమా విడుదల తేదీని కూడా మూడుసార్లు వాయిదా వేసిన నిర్మాత ఆయన. ప్రతి సినిమాకీ అనేకసార్లు డేట్ మార్చడం ఆయన పద్దతి.

అలాంటి నిర్మాతకు సీనియర్ హీరో నాగార్జున (Akkineni Nagarjuna) మన హాలీవుడ్ పద్దతిలో ఏడాది ముందే డేట్ ఫిక్స్ చేసి విడుదల చెయ్యాలి చెప్పడం విశేషం.

“లెనిన్” (Lenin) సినిమా సక్సెస్ ని పురస్కరించుకొని డిస్ట్రిబ్యూటర్లు, ఎగ్జిబిటర్లను పిలిచి షీల్డ్స్ ఇచ్చారు. ఈ సినిమాని నాగార్జున, నాగవంశీ కలిసి నిర్మించారు. ఈ సినిమాని కూడా మూడో, నాలుగు సార్లు వాయిదా వేశారు.

ఒకప్పుడు మేం రిలీజ్ కంటే ఒక నెల ముందే పూర్తి కాపీని చూసేవాళ్లం. ఇప్పుడు అలా జరగడం లేదు.ది ఆడిస్సి వంటి హాలీవుడ్ సినిమాకి ఏడాది క్రితం రిలీజ్ డేట్ చెప్పి పక్కాగా మూడు నెలల ముందు నుంచే ప్రొమోషన్ చేసి విడుదల చేశారు. మనం కూడా అలా చెయ్యాలి,” అంటూ నాగార్జున నాగవంశీ వైపు చూస్తూ చెప్పారు.

హాలీవుడ్ సినిమాల పద్దతిలోనే నాగవంశీ ఇతర తెలుగు నిర్మాతలు ఏడాది ముందే రిలీజ్ డేట్ ప్రకటిస్తారు. కాకపోతే, ఆ తర్వాత ఆరేడు నెలల నుంచి ఏడాదిపాటు వాయిదా వేస్తారు. ఆ పద్దతి మారట్లేదు.