శంకర్ ఆ ‘మూడు’ ప్రయత్నాలు

దర్శకుడు శంకర్ కు తొలి తెలుగు స్ట్రయిట్ మూవీ ‘గేమ్ ఛేంజర్’. ఆయన మొదటి సినిమా “జెంటిల్ మేన్” తెలుగులో డబ్ సంచలన విజయం సాధించింది. అది మొదలు ఆయన అన్ని సినిమాలు తెలుగులో అనువాదమై హిట్ అయ్యాయి. కానీ తెలుగులో ఎందుకు సినిమాలు చేయలేదు? దీనికి శంకర్ సమాధానమిచ్చాడు.

తను తెలుగులో సినిమా చేయడానికి విశ్వప్రయత్నం చేసిన విషయాన్ని బయటపెట్టాడు. గడిచిన 15 ఏళ్లుగా చిరంజీవితో సినిమా చేయడానికి ప్రయత్నించాడట శంకర్. కానీ కుదరలేదన్నాడు.

ఇక కరోనా టైమ్ లో ప్రభాస్ తో కూడా సినిమా చేయడానికి ప్రయత్నించాడట. ఈ ఇద్దరి మధ్యలో మహేష్ బాబుతో కూడా సినిమా చేయడానికి తెగ ప్రయత్నం చేశాడట. కానీ వివిధ కారణాల వల్ల వీళ్ల ముగ్గురితో సినిమాలు చేయలేకపోయానని, అలా టాలీవుడ్ లో అడుగుపెట్టడానికి తనకు అవకాశం రాలేదని వెల్లడించాడు.

ఎట్టకేలకు ‘గేమ్ ఛేంజర్’ సినిమాతో తను టాలీవుడ్ లో అడుగుపెడుతున్నానని తెలిపిన శంకర్… చరణ్ ను డైరక్ట్ చేస్తుంటే, చిరంజీవిని డైరక్ట్ చేస్తున్న ఫీలింగ్ వచ్చిందన్నాడు. తన కెరీర్ లో ‘గేమ్ ఛేంజర్’ను పూర్తిస్థాయి కమర్షియల్ చిత్రంగా చెప్పుకొచ్చాడు ఈ దర్శకుడు.