Toxic నిర్మాత: పెద్దల కోసమని చెప్పాం, ట్రోలింగ్ ఎందుకిక?

‘టాక్సిస్’ (Toxic) సినిమాపై కొన్ని రోజులుగా నడుస్తున్న ట్రోలింగ్ కు సింపుల్ గా, సుత్తిలేకుండా కౌంటర్ ఇచ్చారు నిర్మాత వెంకట్ కె.నారాయణ. ఈ సినిమాలో రొమాన్స్ శృతిమించిందని, ఒక పాటకు మించి మరో పాటలో అందాల ఆరబోత కనిపిస్తోందంటూ విమర్శలు మొదలైన సంగతి తెలిసిందే.

సినిమాలోని కంటెంట్, మేకింగ్ చూస్తుంటే ఇది ఫ్యామిలీ అంతా కలిసి చూడదగ్గ చిత్రం కాదని స్పష్టమవుతోంది. ఈ నేపథ్యంలో చిత్ర నిర్మాత వెంకట్ కె నారాయణ చేసిన వ్యాఖ్యలు ప్రస్తుతం సోషల్ మీడియాలో హాట్ టాపిక్‌గా మారాయి.

ఈ సినిమా మామూలుగా ఉండదని, థియేటర్లకు కేవలం పెద్దలు మాత్రమే రావాలని ఆయన ఓపెన్ గా చెబుతున్నాడు.

‘టాక్సిస్’ అనే టైటిల్ నుంచి తాజాగా రిలీజైన సాంగ్ వరకు ఇదే విషయాన్ని చెబుతున్నామని, అంతా అర్థం చేసుకోవాలని కోరారాయన. చిన్న పిల్లలు, సున్నిత మనస్తత్వం ఉన్నవారు తమ సినిమాకు దూరంగా ఉండాలని కూడా చెబుతున్నారు.

ఈ సినిమాలో కియారా అద్వానీ, రుక్మిణి వసంత్, నయనతార, హుమా ఖురేషి, తార సుతారియా వంటి అగ్ర కథానాయికలు నటిస్తున్నారు. ఇప్పటికే విడుదలైన టీజర్, సాంగ్స్ అన్నీ సరికొత్త స్టైల్‌లో బోల్డ్ కంటెంట్‌తో యూత్‌ను విపరీతంగా ఆకట్టుకున్నాయి.

త్వరలో రాబోయే మూడో పాటలో యష్, రుక్మిణి వసంత్ కనువిందు చేయబోతున్నారు.

TeluguCinema Team

TeluguCinema Desk is the editorial team behind TeluguCinema.com, one of the oldest and most trusted websites dedicated to the Telugu film industry since the late 1990s. With decades of experience in entertainment journalism, the team is committed to delivering accurate news, credible reports, exclusive updates, and insightful features while upholding the highest standards of fairness, authenticity, and journalistic integrity.