విజయ్ కోసం ఆ టెక్నాలజీ

వయసు మళ్ళిన హీరోలను యంగ్ గా చూపించే టెక్నాలజీని హాలీవుడ్ మేకర్స్ విరివిగా వాడుతున్నారు. దానిని “డీ ఏజింగ్ టెక్నాలజీ” అంటారు. ఇటీవల ఇండియాలో కూడా వాడారు. కానీ మనవాళ్లు హాలీవుడ్ వాళ్ళ స్థాయిలో చెయ్యలేదు. ఆ క్వాలిటీ రాలేదు.

అందుకే, తమిళ సూపర్ స్టార్ విజయ్ తో సినిమా తీస్తున్న దర్శకుడు వెంకట్ ప్రభు హాలీవుడ్ సాంకేతికతను అక్కడి టెక్నీషియన్లతోనే తన సినిమాలో వాడుతున్నారు. ఈ సినిమాలో విజయ్ తన రెగ్యులర్ లుక్ తో పాటు 20 ఏళ్ల వయస్సు కుర్రాడిలా కనిపిస్తారట. దాని కోసం అమెరికా వెళ్లింది టీం.

విజయ్, దర్శకుడు వెంకట్ ప్రభు కాంబినేషన్లో రూపొందుతోన్న మూవీ… GOAT (ది గ్రేటెస్ట్ ఆఫ్ ఆల్ టైం).

ఈ సినిమా షూటింగ్ చివరి దశకు చేరుకొంది. సెప్టెంబర్ లో సినిమా విడుదల అవుతుంది. 49 ఏళ్ల విజయ్ లుక్స్ పరంగా చాలా యంగ్ గా కనిపిస్తాడు. కానీ 20 ఏళ్ల వాడిగా కనిపించేందుకు ఈ సాంకేతికత వాడుతున్నారు.