మేమే చెప్తాం, మీరు అడగొద్దు: ఆదితి

ఆదితి రావు, సిద్ధార్థ్… ఇద్దరూ ఎవరి పనుల్లో వాళ్ళు పడిపోయారు. సంజయ్ లీలా భన్సాలీ తీసిన “హీరామండి” వెబ్ సిరీస్ నెట్ ఫ్లిక్స్ లో మే ఒకటో తేదీన ప్రీమియర్ కానుంది. ఆ సిరీస్ లో ఒక పాత్ర పోషించింది ఆదితి రావు. దాంతో ఆమె ఆ ప్రమోషన్లతో బిజీ అయిపోయింది.

ప్రమోషన్ లో భాగంగా మీడియాకి ఇస్తున్న ఇంటర్వ్యూలలో అనివార్యంగా ఆమె పెళ్లి గురించి ప్రస్తావన వస్తోంది. దాంతో, అందరికీ ఒకటే సమాధానం చెప్తోంది. “మా పెళ్లి ముహూర్తం ఇంకా సెట్ కాలేదు. పెళ్ళికి ఇంకా చాలా టైముంది. ముహూర్తం కుదిరాక మేమే ప్రకటిస్తాం. దయచేసి మీరు అదే ప్రశ్న పదే పదే అడగొద్దు,” అని కోరుతోంది ఆదితి.

ఆదితి, సిద్ధార్థ్ ఇటీవల ఎంగేజ్ మెంట్ జరుపుకున్నారు. వనపర్తి దగ్గరలోని ఒక ఆలయంలో వీరి నిశ్చితార్థం జరిగింది. అప్పటి నుంచి వీరి పెళ్లి డేట్ గురించి అందరిలో ఆసక్తి పెరిగింది.

ఆదితి, సిద్ధార్థ్ మూడేళ్ళుగా డేటింగ్ లో ఉన్నారు.