Michael: బిలియన్ డాలర్ల క్లబ్బులో… కొత్త రికార్డు ఖాతాలో

మైఖేల్ జాక్సన్ (Michael Jackson) గురించి తెలియని వారు ఉండరు. ఈ తరం వారికి కూడా ఆయన పేరు, ఆయన పాటలు సుపరిచితం. ఇక 1980, 90 తరం వారికి మైఖేల్ జాక్సన్ అంటే ఒక పిచ్చి.

అందుకే, ఆయన జీవిత చరిత్ర ఒక కొత్త రికార్డు సృష్టించింది. పాటల సీడీల అమ్మకాల్లో అప్పట్లో మైఖేల్ జాక్సన్ కొత్త రికార్డులు సృష్టించేవారు. ఇప్పుడు ఆయన బయోపిక్ కూడా కొత్త చరిత్ర నెలకొల్పింది. “మైఖేల్” (Michael) పేరుతో ఇటీవల ఆయన బయోపిక్ తీశారు. ఆ సినిమాపై మొదట విమర్శకులు పెదవి విరిచారు. ట్రేడ్ పండితులు పెద్దగా ఆడదు అన్నారు. కానీ బాక్సాఫీస్ లెక్కల వరకు ఎప్పుడైనా ప్రేక్షకులదే తుది తీర్పు.

అన్ని అంచనాలను, అందరి లెక్కలను తలకిందులు చేసి, ఈ సినిమా చరిత్రను తిరగరాసింది. ప్రపంచవ్యాప్తంగా 1 బిలియన్ డాలర్లు వసూలు చేసిన మొట్టమొదటి బయోపిక్‌గా నిలిచింది. ఇంతకుముందు ఏ బయోపిక్ ఇంత వసూళ్లు సాధించలేదు.

సాధారణంగా బయోపిక్ చిత్రాలు పెద్దగా వసూళ్లు రాబట్టావు అని అంటారు. కానీ మైఖేల్ మాత్రం ఏకంగా బిలియన్ డాలర్ల వసూళ్లు (9 వేల కోట్ల రూపాయలు) అందుకొంది.