రమ్యకృష్ణ వింటేజ్ మూమెంట్

‘జైలర్’లో రమ్యకృష్ణ ఉంది కాబట్టి ‘జైలర్-2’లో కూడా ఆటోమేటిగ్గా తన పాత్ర కొనసాగుతుంది. ఇందులో ప్రత్యేకత ఏం లేదు. కానీ ఈ సినిమా షూటింగ్ సందర్భంగా ఓ ప్రత్యేకమైన సందర్భాన్ని షేర్ చేశారు రమ్యకృష్ణ.

‘జైలర్-2’ షూటింగ్ ప్రారంభమైన మొదటి రోజునే, రజనీకాంత్ తో కలిసి ఆమె నటించిన ‘నరసింహ’ సినిమా విడుదలై సరిగ్గా 26 ఏళ్లు అయింది. ఇదే విషయాన్ని ఆమె గుర్తు చేసింది.

‘నరసింహా’ సినిమాలో రమ్యకృష్ణ పోషించిన నీలాంబరి పాత్ర అందరికీ గుర్తుండే ఉంటుంది. ఆమె పోషించిన అత్యంత శక్తిమంతమైన పాత్రల్లో అది కూడా ఒకటి. ఆ సినిమా టైమ్ లో రజనీకాంత్ ఫ్యాన్స్, రమ్యకృష్ణపై దాడులకు కూడా దిగారంటే, ఆ పాత్ర ఎంత పండిందో అర్థం చేసుకోవచ్చు.

ఆ సినిమా తర్వాత రజనీకాంత్ తో మళ్లీ నటించే అవకాశం రాలేదు. ఎట్టకేలకు ‘జైలర్’తో రజనీ-రమ్యకృష్ణ మళ్లీ కలిశారు. ఈసారి కూడా హిట్ కొట్టారు. ఇప్పుడు ‘జైలర్-2’ చేస్తున్నారు.