హీరోయిన్లంతా ఈ లాక్ డౌన్ కాలాన్ని బాగా ఉపయోగించుకున్నారు. కొంతమంది తమ వ్యక్తిగత అభిరుచుల్ని బయటకు తీస్తే, మరికొంతమంది ఇంట్లోనే కుటుంబ సభ్యులతో గడపడానికి ఎక్కువ టైమ్ కేటాయించారు. మరికొంతమంది ఈ లాక్ డౌన్ టైమ్ ను బరువు తగ్గడానికి వాడుకున్నారు. ఈ లిస్ట్ లో హీరోయిన్ అవికా గోర్ కూడా చేరింది.
లాక్ డౌన్ టైమ్ లో ఏకంగా 13 కిలోలు తగ్గింది అవికా గోర్. మార్పు కోసం తీవ్రంగా ఆలోచించానని, ఫలితంగా 13 కిలోల బరువు తగ్గానని అంటోంది ఈ హీరోయిన్. నిజానికి తనకు బరువు తగ్గాల్సిన అవసరం లేదని, గతంలో ఎలా ఉన్నానో ఆ ఫిజిక్ నే ప్రేక్షకులు ఇష్టపడ్డారని అంటున్న అవిక.. వంద శాతం పనితీరు ప్రదర్శించాలంటే బరువు కూడా తగ్గాలని నిర్ణయించుకున్నానని, అందుకే తగ్గానని చెబుతోంది.
దాదాపు మూడేళ్లు గ్యాప్ ఇచ్చి తెలుగులో ‘రాజుగారి గది-3’ చేసింది అవిక. ఆ తర్వాత మళ్లీ తెరపై కనిపించలేదు. ప్రస్తుతం ఆమె తన దృష్టి మొత్తం బుల్లితెరపై పెట్టింది.
This post was last modified on October 28, 2020 8:09 pm