నందమూరి బాలకృష్ణ సడెన్ గా ఒక చిన్న సినిమాని ప్రత్యేకంగా తిలకించడం విశేషమే. బాలకృష్ణ చూస్తానని అనడంతో ఆయన కోసం ‘ఉప్పెన’ మేకర్స్ స్పెషల్ షో వేశారు. బాలకృష్ణ, అయన భార్య, ఇతర కుటుంబ సభ్యులు ఈ సినిమాని చూశారు. బాలయ్యకి సినిమా బాగా నచ్చిందట. దర్శకుడు బుచ్చిబాబుని అభినందించారు బాలయ్య.
మరోవైపు, ‘ఉప్పెన’ రెండోవారంలో కూడా కలెక్షన్లనే రాబడుతోంది. ఈ సినిమా ఇప్పటికే తెలుగు రాష్ట్రాల్లో 36 కోట్లు కలెక్ట్ చేసింది. 50 కోట్ల వసూళ్లు అందుకుంటుంది అని అంచనా. కొత్తవారితో తీసిన సినిమాల్లో ఇదొక రికార్డ్.
బాలయ్య ప్రస్తుతం బోయపాటి డైరెక్షన్లో నటిస్తున్నారు. త్వరలోనే ఈ సినిమా టైటిల్ అనౌన్స్ మెంట్ రానుంది. ఇక ఈ సినిమా పూర్తి కాగానే గోపీచంద్ మలినేని డైరెక్షన్లో బాలయ్య సినిమా మొదలుపెడతారు. ఈ మూవీని మైత్రి మూవీ మేకర్స్ నిర్మిస్తుంది. ‘ఉప్పెన’ని కూడా మైత్రి సంస్థ నిర్మించింది.
This post was last modified on February 20, 2021 10:29 pm