చిరంజీవికీ తప్పని ఎక్సట్రాలు!

మెగాస్టార్ చిరంజీవి కూడా న్యూమరాలజీ సెంటిమెంట్ లు పట్టించుకున్నట్లు కనిపిస్తోంది. ఇన్నాళ్లూ ఆయన తన పేరుని CHIRANJEEVIగానే రాసుకున్నారు. ఇప్పుడు దానికి ఒక మరో ‘ఈ’ తగిలించారు. CHIRANJEEEVIగా మారింది ఆయన పేరు. డబుల్ ఈ స్థానంలో త్రిబుల్ ఈ వచ్చింది.

బాలీవుడ్ లో ఈ పద్దతి ఎక్కువ, కరణ్ జోహార్ తన సినిమాల టైటిల్ స్పెల్లింగ్ లు ఇలా న్యూమరాలజీ ప్రకారం మారుస్తుండేవాడు. ఆ తర్వాత కరీనా సహా పలువురు హీరోయిన్లు, హీరోలు తమ పేర్ల స్పెల్లింగ్ లు మార్చుకున్నారు అదృష్టం మారుతుందని. తెలుగులో నితిన్ తన పేరులో డబుల్ ఐ తగిలించుకున్నాడు.

కానీ హీరోగా ఉన్నత శిఖరాలు అధిరోహించిన చిరంజీవి ఈ వయసులో ఇలా న్యూమరాలజీ ప్రకారం ఎక్స్ట్రా ఈ తగిలించుకోవడం కొంచెం అతిగానే ఉంది.

ఆయన నటిస్తున్న ‘గాడ్ ఫాదర్’ సినిమా పోస్టర్లో ఇలా ఎక్స్ట్రాలు కనిపించాయి. ‘ఆచార్య’ దారుణంగా పరాజయం పాలు కావడంతో ఆయన ఇలా లక్ కోసం మార్చారా? లేక మేకర్స్ స్వంతంగా నిర్ణయం తీసుకున్నారా అనేది చూడాలి.