తెలుగులో “ధ్రువ” చిత్రానికి ఆధారం… తమిళంలో తని ఒరువన్. ఆ సినిమాలో జంటగా నటించారు జయం రవి, నయనతార. చాలా గ్యాప్ తర్వాత రవి, నయన హీరో హీరోయిన్లుగా నటించిన కొత్త థ్రిల్లర్… ‘గాడ్’. ఈ సినిమా ఇప్పుడు తెలుగులో విడుదల కానుంది.
అక్టోబర్ 13న విడుదల చేస్తున్నట్లు నిర్మాతలు సుధన్ సుందరం, జి.జయరాం, సి.హెచ్.సతీష్ కుమార్ తెలిపారు.
ఐ.అహ్మద్ దర్శకత్వంలో తెరకెక్కిన ఈ మూవీకి యువన్ శంకర్ రాజా సంగీతం ఇచ్చారు.
“క్రైమ్ థ్రిల్లర్ చిత్రాలకు ప్రేక్షకుల్లో ఎప్పుడూ ఓ ఆదరణ ఉంటుంది. ఈ సినిమా మంచి క్రైం థ్రిల్లర్. ర‌న్ టైమ్‌ను 2 గంట‌ల 16 నిమిషాలుగా ఫిక్స్ చేశాం. ఆసాంతం సీట్ ఎడ్జ్ థ్రిల్లర్‌గా మెప్పిస్తుంది,” అన్నారు నిర్మాతలు.
This post was last modified on October 11, 2023 10:26 pm