ఆనందంలో బర్త్ డే భామ కృతి

‘ఉప్పెన’ సినిమాతో హీరోయిన్ గా సెన్సషనల్ క్రేజ్ తెచ్చుకొంది కృతి శెట్టి. ఈ అందాల చిన్నది ప్రస్తుతం నాలుగు సినిమాలతో బిజీగా ఉంది. ఈ ఏడాదిలోనే 5 కోట్ల వరకు సంపాదించింది ఈ భామ. ఫస్ట్ మూవీకి 10 లక్షలు అందుకొంది. ఇప్పుడు కోటి రూపాయల పారితోషికం డిమాండ్ చేస్తోంది. అలాగే, జీటీవీ ప్రొమోషన్ లో పాల్గొన్నందుకు దాదాపు 80 లక్షలు వచ్చాయి. బ్రాండ్స్, సినిమాలతో ఫుల్లుగా సంపాదిస్తోంది ఈ బ్యూటీ.

ప్రస్తుతం ఆమె నటిస్తున్న చిత్రాలు: ఇంద్రగంటి తీస్తున్న ‘ఆ అమ్మయి గురించి మీకు చెప్పాలి’, రామ్ – లింగుస్వామి చిత్రం, నాని నటిస్తున్న శ్యామ్ సింగ రాయ్, నితిన్ నటిస్తున్న ‘మాచర్ల నియోజకవర్గం’. నాగ చైతన్య సరసన ‘బంగార్రాజు’లో కూడా నటిస్తోంది.

ఈ రోజు ఈ అందాల భామ పుట్టిన రోజు. ఆమె బర్త్ డే స్పెషల్ గా ఆమెతో సినిమాలు తీస్తున్న మేకర్స్ విషెస్ పోస్టర్స్ రిలీజ్ చేశారు.

మరోవైపు, ‘ఆ అమ్మయి గురించి మీకు చెప్పాలి’ టీం ఈ సినిమా లొకేషన్ లో ఆమె బర్త్ డే సంబరాలు జరిపారు.