‘లవ్ స్టోరీ’ సినిమా ఎప్పుడో విడుదల కావాలి. కానీ అనేక కారణాల వల్ల ఇంకా రిలీజ్ కాలేదు. ఈ సినిమాపై అంచనాలు మామూలుగా లేవు. ఎందుకంటే… పాటలు వైరల్ అయ్యాయి. పైగా, సాయి పల్లవి ఉంది. నాగ చైతన్య – శేఖర్ కమ్ముల కాంబినేషన్లో వస్తోన్న మొదటి సినిమా.
దీనిపై భారీగా అంచనాలు ఉన్న మాట వాస్తవమే కానీ ఈ సినిమా హీరో నాగ చైతన్య వ్యక్తిగత జీవితం ఇటీవల వార్తల్లోకి వచ్చింది. దాంతో ‘లవ్ స్టోరీ’ ప్రెస్ మీట్ పెడితే ఆయన స్టోరీ అడుగుతారు మీడియా వాళ్ళు. అది సమస్య. ఈ నెలాఖరులో కానీ, వచ్చే నెలలో కానీ ‘లవ్ స్టోరీ’ విడుదల డేట్ ఫిక్స్ అయితే నాగ చైతన్య మీడియా ముందుకు రావడం డౌటే. అందుకే, నిర్మాతలు వర్రీ అవుతున్నారట. సినిమా విడుదల మరింత ఆలస్యం ఐతే మాత్రం ఆ సమస్య ఉండదు.
‘లవ్ స్టోరీ’ సినిమా ప్రమోషన్ ని ప్రస్తుతం ఆపేశారు. సినిమా విడుదల తేదీ ఖరారు అయిన తర్వాతే మళ్ళీ ప్రమోషన్ మొదలు పెడుతారు.
శేఖర్ కమ్ముల ఇంతకుముందు తీసిన ‘ఫిదా’ సంచలన విజయం సాధించింది. దాంతో, ఆ అంచనాలు అందుకునేందుకు కమ్ముల మరింత కష్టపడి తీశాడు. సినిమా బాగా వచ్చిందని పాటలను బట్టి అర్థం చేసుకోవచ్చు. కానీ ఈ సినిమాకి ఇతర సమస్యలే అడ్డంకిగా మారాయి.
This post was last modified on September 7, 2021 10:32 pm