సూపర్ స్టార్ మహేష్ బాబు ఇటీవలే జర్మనీ వెళ్లి వచ్చారు. జర్మనీలో ఒక డాక్టర్ వద్ద రెండు వారాల శిక్షణ తీసుకున్నారు. గాయాలతో బాధపడుతున్న వారు లేదా కొన్ని రకాల ఎక్సర్ సైజులు చేస్తుంటే నొప్పితో బాధపడేవారికి ఫిజికల్ ట్రైనింగ్ ఇవ్వడంలో ఈ డాక్టర్ స్పెషలిస్ట్. అందుకే ఆయన వద్ద రెండు వారాల పాటు మహేష్ బాబు ఫిట్నెస్ టెక్నీక్స్ నేర్చుకున్నారు.
ఐతే, ఇంతటితో అయిపోలేదు. మహేష్ బాబు మరింతగా కసరత్తులు చెయ్యాలంట. ఇదంతా రాజమౌళి కొత్త చిత్రం కోసమే. ఆ సినిమాలో పోషించే పాత్రకి సిద్ధమవుతున్న మహేష్ బాబు ఫిట్నెస్ సాధించేందుకు ఇలా ప్రయత్నాలు చేస్తున్నారు.
ఈ సినిమాలో మహేష్ బాబు ఒక సాహసిగా కనిపిస్తారు. ప్రపంచంలోని ఎన్నో కష్టతరమైన ప్రదేశాల్లో హీరో సాహసాలు చేస్తున్నట్లు రాజమౌళి చూపించనున్నారు. దానికోసం మహేష్ బాబు ఇలా ఫిట్ నెస్ సాధించనున్నారు. ఇక ఈ సినిమాలో మహేష్ బాబు సరసన ఒక విదేశీ భామ నటించే అవకాశం ఉంది.
ఈ సినిమా షూటింగ్ వేసవి సెలవుల తర్వాత మొదలవుతుంది. ప్రస్తుతం రాజమౌళి ప్రీ ప్రొడక్షన్ పనులతో బిజీగా ఉన్నారు.
This post was last modified on February 6, 2024 7:28 pm