నభా నటేష్ అందంగా ఉంటుందని తెలుసు. బాగా నటిస్తుందని, డాన్స్ కూడా చేస్తుందని తెలుసు. ఈ లాక్ డౌన్ టైమ్ లో ఆమెలో ఓ బ్యూటీషియన్ ఉందనే విషయం కూడా తెలిసింది జనాలకు. ఇవి కాకుండా ఇప్పుడు తనలో మరో యాంగిల్ ను బయటపెట్టింది నభా. అద్భుతంగా పెయింటింగ్ తీసి అందరితో వావ్ అనిపించుకుంటోంది.
తనకెంతో ఇష్టమైన బ్యాట్ మేన్ బొమ్మ గీసింది నభా. ఈ బొమ్మ గీయడానికి తనకు 6-7 సెషన్స్ పట్టిందని చెప్పుకొచ్చిన ఈ బ్యూటీ.. బ్యాట్ మేన్ పై తనకున్న ఇష్టాన్ని ఇలా బయటపెట్టింది. పెయింటింగ్ గీస్తున్నంత సేపు చాలా ఉల్లాసంగా అనిపించిందని, ఈ పెయింటింగ్ చూసి మీరు కూడా గర్వంగా ఫీల్ అవుతారంటూ పోస్టు పెట్టింది నభా.
లాక్ డౌన్ లో పూర్తిగా ఇంటికే పరిమితమైన ఈ బ్యూటీ.. ఆల్రెడీ సెట్స్ పైకి వచ్చేసింది. సాయితేజ్ హీరోగా నటిస్తున్న “సోలో బ్రతుకే సో బెటర్” సినిమాను పూర్తిచేసింది. ప్రస్తుతం బెల్లంకొండ సాయిశ్రీనివాస్ హీరోగా నటిస్తున్న “అల్లుడు అదుర్స్” సినిమాలో నటిస్తోంది.
This post was last modified on October 9, 2020 3:35 pm