“పూజ మన కాజా. ఆమె లెగ్ పెడితే ఆ సినిమా బ్లాక్ బస్టర్.”
ప్రముఖ నిర్మాత దిల్ రాజు ఇటీవల కామెంట్ చేశారు. ఆమె ఇప్పుడు దిల్ రాజు నిర్మిస్తోన్న “ఎఫ్ 3″లో మెరవనున్నారు. ఈ సినిమాలో ఆమె స్పెషల్ సాంగ్ లో కనిపిస్తారు.
వెంకటేష్, వరుణ్ తేజ్ ప్రధాన పాత్రల్లో నటిస్తున్న ఈ చిత్రంలో తమన్నా భాటియా, మెహ్రీన్ పిర్జాదా, సోనాల్ చౌహాన్ హీరోయిన్లుగా నటిస్తున్నారు. పూజా హెగ్డే ఈ చిత్రంలో ప్రత్యేకమైన పార్టీ సాంగ్ ద్వారా ఈరోజు షూట్లో జాయిన్ అయింది. అన్నపూర్ణ 7 ఎకరాల్లో ఆర్ట్ డైరెక్టర్ ఏఎస్ ప్రకాష్ ఆధ్వర్యంలో రూపొందిన అత్యద్భుతమైన సెట్లో సాంగ్ చిత్రీకరణ జరుగుతోంది.
ఈ పార్టీ సాంగ్లో విశేషమేమిటంటే, పూజా హెగ్డేతో పాటు ప్రధాన తారాగణం అయిన వెంకటేష్, వరుణ్ తేజ్, హీరోయిన్లు కూడా చిత్రీకరణలో పాల్గొంటున్నారు. పూజా హెగ్డే స్పెషల్ డ్యాన్స్ సినిమాకి ప్రధాన ఆకర్షణగా నిలుస్తుంది.
దిల్ రాజు సమర్పకుడిగా వ్యవహరిస్తున్న ఈ చిత్రాన్ని శ్రీ వెంకటేశ్వర క్రియేషన్స్ బ్యానర్ పై శిరీష్ నిర్మిస్తున్నారు. F3 చిత్రం మే 27న విడుదల కానుంది.
This post was last modified on April 15, 2022 8:54 pm