‘వకీల్ సాబ్’ సినిమా ప్రీ-రిలీజ్ ఈవెంట్ వచ్చే నెల 3న జరగనుంది. ఈ ఈవెంట్ ని హైదరాబాద్ లో నిర్వహిస్తారు. మరి ముఖ్య అతిధి ఎవరు? రామ్ చరణ్ రావడం గ్యారెంటీ. చరణ్ ఒక్కరే గెస్టా లేక ఇంకెవరైనా వస్తారా అన్నది చూడాలి. ఇప్పటివరకు మాత్రం చరణ్ ఛీఫ్ గెస్ట్ గా ఫిక్స్ అయ్యాడని అంటున్నారు.
ఈ సినిమాని దిల్ రాజు ప్రిస్టిజియస్ గా నిర్మించారు. సో, ప్రొమోషన్ కాస్తా గట్టిగానే చెయ్యాలని అనుకుంటున్నట్లు సమాచారం. ‘వకీల్ సాబ్’ సినిమాకి వేణు శ్రీరామ్ దర్శకుడు. దాదాపు మూడేళ్ళ తర్వాత పవన్ కళ్యాణ్ నుంచి మూవీ వస్తోంది. సో. ఫ్యాన్స్ ఈ మూవీపై అంచనాలు పెట్టుకున్నారు. అలాగే, వేసవి సెలవుల్లో విడుదల కానున్న మొదటి సినిమా కావడంతో ఇండస్ట్రీ కూడా దీనిపై ఆసక్తిగా ఉంది.
ఓవర్సీస్ మార్కెట్ ఇప్పుడే గాడిలో పడుతోంది. ‘వకీల్ సాబ్’తో అది మరింతగా పాజిటివ్ గా మారుతుంది అని భావిస్తున్నారు.
This post was last modified on March 18, 2021 10:56 pm