కత్రిన ఉన్న ఇంట్లోనే అలియా కాపురం!

రణబీర్ కపూర్, అలియా కాపురం పెట్టారు. ‘వాస్తు’ అనే బంగ్లాలో వీరి కాపురం. ఈనెల 14న వీరి వివాహం జరిగింది. రణబీర్ కి చెందిన ‘వాస్తు’ అనే ఇంట్లోనే తాజాగా కాపురం పెట్టారు.

‘వాస్తు’ అనే ఈ ఇల్లుని రణబీర్ కత్రినతో కలిసి ఉండేందుకు తీసుకున్నాడు. అలియా భట్ కన్నా ముందు రణబీర్ కత్రినతో రిలేషన్లో ఉన్నాడు. దాదాపు పెళ్లి వరకు వెళ్ళింది వారి ప్రణయం. కానీ, ఎందుకనో బ్రేకప్ చెప్పుకున్నారు. ఆ తర్వాత అలియాతో 5 ఏళ్ళు బంధం కొనసాగించక పెళ్లి చేసుకున్నాడు రణబీర్.

కత్రిన ఉన్న ఈ ఇంట్లో కాపురం పెట్టేందుకు మొదట అలియా ఒప్పుకోలేదట. దాంతో, తన తాతయ్య రాజ్ కపూర్ కట్టించిన ‘కృష్ణ రాజ్’ అనే బంగ్లాని రినోవేషన్ చేయించి, అది రెడీ అయిన తర్వాత పెళ్లి చేసుకుందామని భావించాడు రణబీర్. రెండేళ్ల క్రితం మొదలైన ఈ పనులు ఇంకా పూర్తి కాలేదు. మరో ఏడాది పట్టేలా ఉందట.

దాంతో, చేసేదేమి లేక ఏప్రిల్ 14న పెళ్లి చేసుకున్నారు. ఇప్పుడు అందులోనే కాపురం పెట్టారు. కొత్త బంగ్లా సిద్ధం అయ్యేంతవరకు అలియా ఈ కత్రినతో కలిసి రణబీర్ ఉన్న ఇంట్లోనే తాత్కాలికంగా కాపురం పెట్టాల్సి వచ్చింది.