తమిళనాడులో కూడా థియేటర్లు తెరిచేందుకు ఆ రాష్ట్ర ప్రభుత్వం అనుమతి ఇచ్చింది. ఇప్పటివరకు అక్కడ థియేటర్లు మూసే ఉన్నాయి. దాంతో, కంగన రనౌత్ నటించిన ‘తలైవి’ సినిమా విడుదలకి మార్గం సుగమం అయింది. ఆ సినిమా నిర్మాతలు ఎక్కువ ఆలస్యం చెయ్యకుండా… విడుదల తేదీని ప్రకటించారు.
‘తలైవి’ సెప్టెంబర్ 10న తమిళ, తెలుగు, హిందీ భాషల్లో విడుదల కానుంది. ఇప్పటికే ఈ సినిమా సెన్సార్ కార్యకమాలు కూడా పూర్తి చేసుకొంది. ఒకేసారి దేశమంతా విడుదల కానుంది.
ఐతే, హిందీ మార్కెట్ ఇంకా కోలుకోలేదు. మరి ఈ టైంలో కంగన సినిమా అక్కడ ఆడుతుందా అన్నది చూడాలి. కానీ, హిందీ కన్నా తమిళ్ మార్కెట్ ముఖ్యం ఈ సినిమాకి. జయలలిత జీవిత చరిత్ర ఈ సినిమా. ఆమె బయోపిక్ అంటే.. తమిళనాడులో ఆడడమే ముఖ్యం కదా.
‘తలైవి’ సినిమాకి ఏ. ఎల్. విజయ్ దర్శకుడు. జయలలితగా కంగన నటించింది. ఎంజీఆర్ పాత్రని అరవింద్ స్వామీ పోషించారు.
This post was last modified on August 23, 2021 6:44 pm