విశాల్ తో ఏమి లేదంట!

హీరో విశాల్ లవ్ ఎఫైర్లపై రూమర్లు ఇప్పటివి కాదు. దశాబ్దాల కిందటే విశాల్ ప్రేమ పుకార్లు షికార్లు చేశాయి. ఎంతోమంది హీరోయిన్ల పేర్లు తెరపైకొచ్చాయి. ఒక దశలో వరలక్ష్మి శరత్ కుమార్ తో అతడు డేటింగ్ లో ఉన్నాడనే ప్రచారం నడిచింది. అందులో కొంత నిజం కూడా ఉంది. కాకపోతే వాళ్ల ప్రేమ పెళ్లి పీటలెక్కలేదు.

ఇదిలా ఉండగా, రీసెంట్ గా విశాల్ మరో హీరోయిన్ తో ప్రేమలో ఉన్నాడనే ప్రచారం ఊపందుకుంది. ఆ హీరోయిన్ పేరు అభినయ. విశాల్ ఈమెకు ప్రపోజ్ చేశాడని, త్వరలోనే పెళ్లి కూడా చేసుకుంటారంటూ కొన్నాళ్లుగా రూమర్స్ వినిపిస్తున్నాయి.

వీటిపై స్వయంగా అభినయ స్పందించింది. పుకార్లకు తెరదించే ప్రయత్నం చేసింది.

“నాపై, విశాల్ పై సిల్లీ రూమర్లు వస్తున్నాయి. అతడు నాకు ప్రపోజ్ చేశాడని, మేమిద్దరం పెళ్లి చేసుకుంటామని అంటున్నారు. అవన్నీ సిల్లీ. దయచేసి అలాంటి నాన్సెన్స్ న్యూస్ నమ్మకండి,” అని అభినయ పేర్కొంది.

ఇక్కడితో మేటర్ అయిపోలేదు. తను ఆల్రెడీ రిలేషన్ షిప్ లో ఉన్నట్టు ప్రకటించింది అభినయ. తన చిన్ననాటి స్నేహితుడితో 15 ఏళ్లుగా ప్రేమలో ఉన్నానని తెలిపింది. అయితే అతనితో పెళ్లికింకా చాలా టైమ్ ఉందంటోంది ఈ టాలెంటెడ్ హీరోయిన్.