ఆలియా ఆగ్రహం!

బాడీ షేమింగ్.. చాలామంది హీరోయిన్లు సోషల్ మీడియాలో ఎదుర్కొంటున్న సమస్య ఇది. మేకప్ ఎక్కువైనా విమర్శిస్తారు, తక్కువైనా విమర్శిస్తారు. ఒంపుసొంపులపై ఎక్కడలేని కామెంట్స్ చేస్తారు. తాజాగా అలియా భట్ పై సోషల్ మీడియాలో బాడీ షేమింగ్ కామెంట్స్ నడుస్తున్నాయి.

ఆమె నవ్వులో తేడా కనిపిస్తోందని, ముఖకవలికల్లో మార్పు వచ్చిందంటూ ఓ సెక్షన్ అలియా భట్ పై విమర్శలు మొదలుపెట్టింది. ఆమె రీసెంట్ గా కాస్మొటిక్ సర్జరీ చేయించుకుందని, అది కాస్తా వికటించిందంటూ కథనాలు ఇవ్వడం మొదలుపెట్టారు.

కొన్ని యూట్యూబ్ ఛానెళ్లలో దీనిపై చర్చలు కూడా మొదలయ్యాయి. ఈ వ్యవహారంపై అలియా భట్ సీరియస్ అయింది. తనపై వస్తున్న వీడియోలపై ఆమె ఫైర్ అయింది. ఎలాంటి ఆధారాల్లేకుండా తనపై ఎలా బాడీ షేమింగ్ కామెంట్స్ చేస్తారంటూ ఆమె కొన్ని సోషల్ మీడియా పేజీలపై విరుచుకుపడింది.

విమర్శించే క్రమంలో కొంతమంది మరీ హద్దులు దాటేస్తున్నారని, బాడీ షేమింగ్ విమర్శలు చేసే వాళ్లలో మహిళలు కూడా ఉండడం బాధ కలిగిస్తోందని ఆవేదన వ్యక్తం చేసింది అలియా భట్. తాజాగా ఆమె నటించిన ‘జిగ్రా’ సినిమా ఫ్లాప్ అయింది.