‘కుర్ర’ హీరోలతో అనుపమ జోడి

అనుపమ పరమేశ్వరన్ వయస్సు 29. కానీ ఆమె పాతికేళ్ల అమ్మాయిలా కనిపిస్తుంది. అందుకే కాబోలు తన కన్నా చిన్న వయసు హీరోలతో ఆమె జతకడుతోంది.

ఇప్పటికే తెలుగులో ఆశిష్ సరసన “రౌడీ బాయ్స్”లో నటించింది. అతను ఆమె కన్నా మూడేళ్లు చిన్నవాడు. ఇక ఇప్పుడు తమిళ హీరో విక్రమ్ కొడుకు ధృవ్ విక్రమ్ సరసన ఒక చిత్రం ఒప్పుకొంది. ఈ సినిమా ఇటీవల ప్రారంభం అయింది. ధృవ్ విక్రమ్ కి 27 ఏళ్ళు. అంటే హీరో కన్నా అనుపమ రెండేళ్లు పెద్దది.

ఈ రోజుల్లో హీరో వయసు ఎంత, హీరోయిన్ వయసు ఎంత అని ప్రేక్షకులు పట్టించుకోవడం లేదు. దర్శక, నిర్మాతలు కూడా పెద్దగా ఆలోచించడం లేదు. విజయ్ దేవరకొండ – సమంత జోడి కూడా అంతేగా. “ఖుషి” సినిమాలో వీరు జంటగా నటించారు. సమంత మూడేళ్లు పెద్దది.

అనుపమ కూడా కథ, పాత్ర నచ్చితే హీరో ఏజ్ తో సంబంధం లేకుండా జత కడుతోంది. అనుపమ పరమేశ్వరన్ ఇటు కుర్ర హీరోలతోనే కాకుండా మిడిల్ ఏజ్ హీరోలతోనూ నటిస్తోంది. అలాగే హీరోయిన్ ఓరియెంటెడ్ చిత్రాలు కూడా సైన్ చేస్తోంది.

హీరోయిన్ గా బిజీ బిజీ!

ఇప్పుడు గ్లామర్ షోలోనూ రెచ్చిపోతోంది. మొత్తమ్మీద ఈ భామ బిజీ బిజీగా ఉంది అనేది వాస్తవం.