Deepika Padukone: రాకా పరిస్థితి ఏంటి?

దీపిక పదుకోన్ (Deepika Padukone) మళ్ళీ గర్భం దాల్చింది. రెండోసారి తల్లి కాబోతున్నట్లు ఆదివారం ప్రకటించింది దీపిక. ఐతే, ఆమె చేస్తున్న సినిమాల పరిస్థితి ఏంటి?

ALSO READ: Deepika Padukone and Ranveer Singh announce second pregnancy

దీపిక పదుకోన్ కి 2024 సెప్టెంబర్ లో కూతురు పుట్టింది. కూతురు పుట్టిన ఎనిమిది నెలలు తర్వాత ఆమె అల్లు అర్జున్ – అట్లీ కాంబినేషన్లో సినిమా ఒప్పుకొంది. కూతురికి సమయం కేటాయించాలి కాబట్టి రోజుకి 8 గంటలు మాత్రమే పనిచేస్తాను అనే కండీషన్ పెట్టింది. దాంతో, ఆమె చెయ్యాల్సిన ప్రభాస్ చిత్రాలు స్పిరిట్, కల్కి 2 నుంచి తప్పించారు. ఐతే, ఆమె తన కండీషన్ల విషయంలో వెనక్కి తగ్గలేదు. ఆమె డిమాండ్లకు ఒప్పుకున్న దర్శకుడు అట్లీ చిత్రంతో పాటు షారుక్ ఖాన్ మూవీ “కింగ్” సైన్ చేసింది.

అల్లు అర్జున్ – అట్లీ కాంబినేషన్లో ఆమె ఇప్పటికే చాలా భాగం షూటింగ్ పూర్తి చేసింది. “రాకా” (Raaka) అనే ఈ సినిమాలో కొన్ని సయాక్షన్ సీన్లు కూడా చేసింది. ఐతే, ఆమెకి సంబంధించిన పూర్తి భాగం షూటింగ్ ఇంకా పూర్తవ్వలేదు. మరి, ఇప్పుడు హడావిడిగా ఆమె పోర్షన్ తీస్తారా? నిండుగా కడుపు కనిపించేలోపే షూటింగ్ పూర్తి చేస్తారా?

“కింగ్” (King) సినిమాలో ఆమెది చిన్న పాత్ర. ఆ సినిమా విషయంలో ఆమెకి ఇబ్బంది లేదు. అల్లు అర్జున్ సినిమా “రాకా” షూటింగ్ వచ్చే ఏడాది వరకు ఉంటుంది.

ఇప్పుడు రెండోసారి తల్లి కాబోతుంది. కాబట్టి ఆమె మళ్ళీ సినిమాలు ఒప్పుకునే విషయంలో ఇంకా ఎక్కువ బ్రేక్ తీసుకునే అవకాశం ఉంది. ఇద్దరు పిల్లలను మేనేజ్ చేస్తూ కెరీర్ ని కంటిన్యూ చేస్తుందా?