‘ఫౌజీ’కి అతనికి సంబంధం లేదంట

ప్రస్తుతం ప్రభాస్ తో ఓ సినిమా చేస్తున్నాడు దర్శకుడు హను రాఘవపూడి. ఈ సినిమాకు ‘ఫౌజీ’ అనే టైటిల్ అనుకుంటున్నారు. సినిమా షూటింగ్ కూడా నడుస్తోంది. అయితే ప్రాజెక్టుపై ఓ గాసిప్ మాత్రం అలానే ఉండిపోయింది.

గతంలో నానికి చెప్పిన ఓ కథతోనే, ఇప్పుడు ప్రభాస్ హీరోగా సినిమా తెరకెక్కిస్తున్నాడని హనుపై ఓ రూమర్ ప్రచారంలో ఉంది. ఎట్టకేలకు దీనిపై స్పందించాడు దర్శకుడు.

“ఆర్మీ బ్యాక్ డ్రాప్ లో నా దగ్గర 6 కథలున్నాయి. ప్రభాస్ కోసం కొత్త కథ రాశాను. కేవలం ప్రభాస్ ను దృష్టిలో పెట్టుకొని రాసిన కథ ఇది. నా దగ్గర ఆల్రెడీ ఉన్న 6 కథలకు దీనితో సంబంధం లేదు. అలా ఫ్రెష్ గా రాయడం వల్లనే టైమ్ పట్టింది. దాదాపు ఏడాదికి పైగా కథపై కూర్చున్నాను.”

గతంలో నానికి చెప్పిన కథ ఆర్మీ బ్యాక్ డ్రాప్ స్టోరీనే అయినప్పటికీ.. ప్రభాస్ తో చేస్తున్న సినిమాకు నానికి చెప్పిన కథకు సంబంధం లేదంటున్నాడు హను. సినిమా రిలీజైన తర్వాత ఇది కేవలం ప్రభాస్ కోసం తీసిన సినిమా అనే విషయాన్ని అంతా గుర్తిస్తారని అంటున్నాడు.