హిట్ చాలా అవసరం

మరికొన్ని గంటల్లో థియేటర్లలోకి రాబోతోంది “మనమే” సినిమా. ప్రతి శుక్రవారం సినిమాలు వస్తుంటాయి. ఇందులో కొత్తేం లేదు. కానీ మనమే మాత్రం చాలామందికి చాలా కీలకం. ఈ సినిమా హిట్ కొంతమందికి చాలా అవసరం.

కృతిశెట్టి.. ఉప్పెనలా ఎగసిపడిన ఈ అందం, కెరీర్ ప్రారంభించిన కొన్నాళ్లకే డౌన్ అయింది. వరుస ఫ్లాపులు ఆమెను ఇబ్బందుల్లోకి నెట్టాయి. దీంతో పరభాషా సినిమాల వైపు ఆమె వెళ్లాల్సి వచ్చింది. ఇలాంటి టైమ్ లో మనమే సినిమా ఆఫర్ వచ్చింది. ఈ సినిమా సక్సెస్ అందరికంటే కృతికే బాగా అవసరం.

ఇక నిర్మాత టీజీ విశ్వప్రసాద్ కు కూడా ఈ సినిమా సక్సెస్ అవసరం. ‘ఫ్యాక్టరీ’ పెట్టి వరుసపెట్టి సినిమాలు నిర్మిస్తున్నాడు కానీ సరైన హిట్ అందుకోలేకపోతున్నాడు. ఇంకా చెప్పాలంటే “ధమాకా” తర్వాత మరో హిట్ లేదు. ఈగల్ అయితే భారీ డిజాస్టర్. దీంతో ‘మనమే’పైనే ఆశలు పెట్టుకున్నాడు.

వీళ్లకు ఈ సినిమా సక్సెస్ ఎంత అవసరమో, దర్శకుడు శ్రీరామ్ ఆదిత్యకు అంతకంటే ఎక్కువ అవసరం. ఈ డైరక్టర్ ను జనం దాదాపు మరిచిపోయారు. మళ్లీ లైమ్ లైట్లోకి రావాలంటే ఈ సినిమా కచ్చితంగా హిట్టవ్వాలి.