Kasthuri: హీరోయిన్ ఘాటు వ్యాఖ్యలు

ఉన్నది ఉన్నట్టు నిర్మోహమాటంగా మాట్లాడే నటి కస్తూరి (Kasthuri), మరోసారి తన శైలికి తగ్గట్టు స్పందించారు. తమిళనాడు ఎన్నికల ఫలితాలపై ఆమె చేసిన వ్యాఖ్యలు ఇప్పుడు పెద్ద దుమారం రేపుతున్నాయి. డీఎంకే పార్టీని ఆమె బాహాటంగా దుమ్మెత్తిపోయడం వివాదాస్పదమైంది.

తమిళనాడు ఎన్నికల్లో డీఎంకే పార్టీ అధికారాన్ని కోల్పోయింది. విజయ్ స్థాపించిన టీవీకే పార్టీ ఘన విజయం సాధించింది. ఈ  అంశాన్ని లేవనెత్తిన కస్తూరి, ద్రవిడ మోడల్ పాలనను ప్రజలు తరిమికొట్టారంటూ ఓపెన్ గానే ప్రకటించింది.

దశాబ్దాలుగా సాగుతున్న పాత రాజకీయాలకు కాలం చెల్లిందని, ద్రవిడ మార్కు పాలనతో ప్రజలు విసిగిపోయారని ఆమె అన్నారు.

“ద్రవిడ మోడల్” అనే నినాదాన్ని బలంగా ఎత్తుకుంది డీఎంకే పార్టీ. తమిళనాడు లోకల్ ఫీలింగ్ ను క్యాష్ చేసుకోవాలనుకుంది. దీని కోసం దాదాపు రెండేళ్లుగా “ద్రవిడ మోడల్” పాలనను ప్రజల్లోకి ఎక్కించే పని చేసింది. కానీ విజయ్ రాకతో ఇది సైడ్ అయిపోయింది.

ఇదే విషయాన్ని కస్తూరి ఎత్తిచూపింది. తమిళనాడులో ప్రత్యామ్నాయ రాజకీయాలకు ఆదరణ పెరిగిందని అంటోంది కస్తూరి. కరుణానిధి కంటే స్టాలిన్ మరింత ప్రమాదం అంటూ ఆమె పెట్టిన పోస్టు వివాదాస్పదమౌతోంది.