పెళ్లి లేదు, సినిమాల్లేవ్!

ఎక్కువ మంది హీరోయిన్లకు రెండే ఆప్షన్లు. ఉంటే సినిమాల్లో ఉండాలి, లేదంటే పెళ్లి చేసుకొని లైఫ్ లో సెటిల్ అయిపోవాలి. ఈ రెండూ లేకుండా హీరోయిన్లు ఉంటారా? మెహ్రీన్ ను చూస్తే ఉంటారనిపిస్తుంది.

మెహ్రీన్ ప్రస్తుతం కెరీర్ కొనసాగించడం లేదు. కొనసాగించడం లేదు అనే కంటే, ఆమెకు అవకాశాలు రావడం లేదనడం కరెక్ట్. ఇక చాన్నాళ్ల కిందటే ఆమె పెళ్లి ఆగిపోయింది. ఇటు కెరీర్ కు, అటు పెళ్లికి దూరమైన మెహ్రీన్.. ప్రస్తుతం తన సింగిల్ స్టేటస్ ను బాగానే ఎంజాయ్ చేస్తోంది.

ఎక్కువగా విదేశాల్లో కనిపించే ఈ బ్యూటీ, ఏమైనా పనులుంటే ఇండియాకు వస్తుంది. లేదంటే ఏదో ఒక ఫారిన్ టూర్ పెట్టుకుంటుంది. ఓవైపు దేశాలు చుట్టేస్తూనే, మరోవైపు అందమైన ఫొటోలు కూడా షేర్ చేస్తుంటుంది మెహ్రీన్.

ALSO READ: Mehreen Pirzada in a yellow outfit

అలా సోషల్ మీడియాలో యాక్టివ్ గా ఉంటూ ఇండస్ట్రీని ఆకర్షించే ప్రయత్నం చేస్తోంది మెహ్రీన్. అయితే ఆమె ముందుగా పెళ్లి చేసుకుంటుందా లేక మరోసారి సినిమాల్లో ప్రయత్నిస్తుందా అనేది మాత్రం ప్రస్తుతానికి సస్పెన్స్.