Nivetha Pethuraj: ఇప్పుడు ధైర్యం వచ్చింది

నివేత పేతురాజ్ (Nivetha Pethuraj) ఒకప్పుడు చాలా సినిమాలు చేసింది. కానీ వ్యక్తిగత జీవితంలో ఉన్న వివాదాల వల్ల ఎక్కువ సినిమాలు చెయ్యలేకపోయింది. ముఖ్యంగా తమిళనాట ఒక రాజకీయ నాయుడుతో ఉన్న సమస్య వల్ల ఆమె కెరీర్ కష్టాల్లో పడింది.

ఈ వివాదాలకు దూరంగా ఉండాలని ఆమె సినిమాలు మానేసి హాయిగా పెళ్లి చేసుకొని దుబాయ్ లో సెటిల్ అవుదామని ప్లాన్ చేసింది. ఆమె కుటుంబం మొత్తం చాలా ఏళ్ల క్రితమే దుబాయ్ కి షిఫ్ట్ అయింది. ఐతే, ఆమె పెళ్లి చేసుకోవాలనుకున్న వ్యక్తితో ఆమెకి ఎంగేజ్ మెంట్ తర్వాత గొడవలు వచ్చాయి. దాంతో పెళ్లి రద్దయింది. ఇద్దరూ పెళ్లి కాకముందే విడిపోయారు.

దాంతో ఆమె మళ్ళీ ఇండియాలోనే సినిమాల్లో తన దారి వెతుక్కోవాలని ప్రయత్నాలు సాగించడం మొదలు పెట్టింది. అదృష్టవశాత్తూ ఆమెకి ఒకటి కలిసి వచ్చింది. తమిళనాడులో డీఎంకె ప్రభుత్వం పోయింది. ఆ పార్టీ దారుణంగా ఓడిపోయింది. హీరో విజయ్ కొత్త ముఖ్యమంత్రి అయ్యాడు.

తమిళనాట రాజకీయాలు మారిపోవడంతో ఆమె ఊపిరి పీల్చుకొంది. ఆమెకి ఇప్పుడు ధైర్యం వచ్చింది అని చెప్తున్నారు. ఇక ఎడాపెడా సినిమాలు ఒప్పుకుంటుంది.

ఇప్పటికే వెంకటేష్, దర్శకుడు త్రివిక్రమ్ కాంబినేషన్ లో తెరకెక్కుతున్న ఆదర్శ కుటుంబం(Adarsha Kutumbam)లో రెండో హీరోయిన్ గా జాయిన్ అయిందట. నివేత పేతురాజ్ కొత్త ఇన్నింగ్స్ మొదలు అయినట్లే.