ఆ ఎపిసోడ్ ప్రాణం తోడేసింది

“దేవర” సినిమాకు సంబంధించి షార్క్ ఫైట్ ఎపిసోడ్ గురించి ఇదివరకే మాట్లాడాడు ఎన్టీఆర్. రోజంతా నీళ్లల్లో ఉంటూ శారీరకంగా చాలా కష్టపడ్డానని వెల్లడించాడు. అయితే మానసికంగా కష్టపడిన ఎపిసోడ్ ఒకటి ఉందని చెప్పుకొచ్చాడు. అదే ఆయుధ పూజ సీన్.

“దేవర-1″లో ఆయుధ పూజ ఎపిసోడ్ ఉందంట. దాని కోసం రామోజీ ఫిలింసిటీలో సెట్ వేశారు. సినిమాకు కొబ్బరికాయ కొట్టి, మొదటి షెడ్యూల్ లో ఆయుధ పూజ ఎపిసోడ్ ను ప్లాన్ చేశారు. కానీ ఆ రోజు అది సరిగ్గా రాలేదు.

అప్పట్నుంచి ఆ సీన్ మానసికంగా తనను ఇబ్బంది పెడుతూనే ఉందని చెప్పుకొచ్చాడు ఎన్టీఆర్. ఎన్నిసార్లు ట్రై చేసినా ఆ సీన్ ఓకే అవ్వలేదని, అది అలా ఏడాదిన్నరగా సాగుతూ వచ్చిందని వెల్లడించాడు.

కొబ్బరికాయ కొట్టినప్పుడు మొదలుపెట్టిన ఆ ఎపిసోడ్ ను, గుమ్మడికాయ కొట్టినప్పుడు పూర్తిచేశామని.. అలా అది ఏడాదికి పైగా తన మైండ్ లో ఉండిపోయి, ఇబ్బంది పెట్టిందని వెల్లడించాడు ఎన్టీఆర్. 27న “దేవర” సినిమా థియేటర్లలోకి వస్తోంది.