శ్రీలీల కెరీర్ లో మరో ఫ్లాప్

వరుసగా ఫ్లాపులిస్తోంది శ్రీలీల. మధ్యలో వచ్చిన ‘భగవంత్ కేసరి’ మాత్రమే ఆమెకు కూసింత కలిసొచ్చింది. ఆ సినిమా తర్వాత మళ్లీ యథావిధిగా ఫ్లాపులు పలకరిస్తూ వస్తున్నాయి. తాజాగా ఇంకోటి.

కిరిటీని హీరోగా పరిచయం చేస్తూ ‘జూనియర్’ అనే సినిమా తెరకెక్కింది. ఈ సినిమాలో హీరోయిన్ గా నటించింది శ్రీలీల. విడుదలైన మొదటి రోజే మిక్స్ డ్ టాక్ తెచ్చుకున్న ఈ సినిమా, రెండో రోజుకు పూర్తిగా స్లంప్ లో పడింది.

నిన్న, ఈరోజు ఈ సినిమాకు ఆక్యుపెన్సీ దాదాపు జీరో. ఇక ‘హరిహర వీరమల్లు’ రాకతో ఈ సినిమా దాదాపు క్లోజింగ్ కు వచ్చేసింది. అలా శ్రీలీల ఖాతాలో మరో ఫ్లాప్ పడింది.

ఇప్పటికే ‘స్కంద’, ‘ఆదికేశవ’, ‘ఎక్స్ ట్రా ఆర్డినరీ మేన్’, ‘రాబిన్ హుడ్’.. ఇలా వరుసగా ఫ్లాపులిచ్చింది శ్రీలీల. ఇప్పుడీ లిస్ట్ లోకి ‘జూనియర్’ కూడా చేరిపోయింది.