తృప్తికి తృప్తినిచ్చిన రిజల్ట్

“యానిమల్” సినిమాతో ఒక్కసారిగా క్రేజ్ తెచ్చుకొంది తృప్తి డిమ్రి. ఆమె అంతకుముందు ఏ సినిమాలు చేసిందో కూడా జనాలకు తెలీదు కానీ “యానిమల్”తో టాప్ లిస్ట్ లోకి దూసుకొచ్చింది. తాజాగా ఆమె నటించిన “బ్యాడ్ న్యూజ్” సో సో అనిపించుకొంది.

విక్కీ కౌశల్, తృప్తి నటించిన ఈ సినిమా మొదటి వారం ఇండియాలో 43 కోట్ల వసూళ్లు అందుకొంది. ఇది పెద్ద మొత్తం కాదు కానీ ఇలాంటి సినిమాకి ఈ మాత్రం ఓపెనింగ్ రావడం కూడా గ్రేట్. ఓవరాల్ గా ఈ సినిమా ఫ్లాప్ కాలేదు. బాలీవుడ్ చిత్రాలకు ఇప్పుడు అదే పెద్ద విజయంగా మారింది.

తృప్తికి ఈ సినిమా రిజల్ట్ తృప్తినిచ్చిందట. ఎందుకంటే “యానిమల్” తర్వాత ఆమె తన క్రేజ్ ని నిలబెట్టుకొంది. ఈ సినిమాకి మంచి ఓపెనింగ్ రావడానికి ఈ సినిమాలోని “తౌబా తౌబా” పాటతో పాటు విక్కి కౌశల్ కారణం. వీటితో పాటు తృప్తి మరో కారణం. సో… ఈ భామకి ఇంకా అవకాశాలు పెరుగుతాయి. అందుకే తృప్తి ఆనందంగా ఉంది.

ప్రస్తుతం హిందీలో ఆమె మరో రెండు సినిమాల్లో నటిస్తోంది. అవి కూడా పెద్ద బ్యానర్ చిత్రాలే.