Ashu Reddy: కొన్ని గంటల్లో కేసుపై క్లారిటీ

ఊహించని విధంగా వివాదంలో చిక్కుకుంది నటి, బిగ్ బాస్ ఫేమ్ అషు రెడ్డి (Ashu Reddu). తనను దాదాపు 9 కోట్ల రూపాయలకు మోసం చేసిందంటూ, ఓ ఎన్నారై ఆమెపై కేసు పెట్టాడు. ఈ కేసు అక్రమంటూ ఆమె హైకోర్టు మెట్లు ఎక్కింది. దీనిపై మరికొన్ని గంటల్లో తీర్పు రానుంది.

పెళ్లి చేసుకుంటానని నమ్మించి దశలవారీగా తన నుంచి 9 కోట్ల రూపాయలకు పైగా అషు తీసుకుందని ఆరోపిస్తున్నాడు ఎన్నారై ధర్మేంధ్ర. అతడు ఇష్టపూర్వకంగానే తనకు డబ్బు ఇచ్చాడని అంటోంది అషూ. ఈ కేసును కొట్టేయాల్సిందిగా ఆమె హైకోర్టును ఆశ్రయించింది.

మరోవైపు తన కేసుకు సంబంధించి తప్పుడు ప్రచారం జరగకుండా ఉండేందుకు ఆమె కోర్టు నుంచి రక్షణ పొందింది. తన వ్యక్తిత్వాన్ని దెబ్బతీసేలా కథనాలు రాస్తే చట్టరీత్యా చర్యలు తీసుకుంటానని ఆమె హెచ్చరించింది. తప్పుడు కథనాలు రాసిన కొంతమంది వాటిని డిలీట్ చేశారని, ఇంకా ఎవరైనా ఉంటే తక్షణం తొలగించాలని ఆమె కోరింది.

ఈ గ్యాప్ అషు రెడ్డి కేసుకు సంబంధించి సోషల్ మీడియాలో చాలా వ్యవహారం నడిచింది. ఆమె మాట్లాడినట్టు చెప్పే ఆడియో టేపు ప్రత్యక్షమైంది. మరోవైపు ఆర్థిక లావాదేవీలకు సంబంధించి స్క్రీన్ షాట్స్ కూడా బయటకొచ్చాయి. వీటన్నింటిపై కొన్ని గంటల్లో కోర్టు పరిథిలో క్లారిటీ రానుంది.